Янгиликлар
06
Qalasazlıq salasındaǵı ayırım qánigelerdi hár 3 jılda sertifikatlaw sisteması engiziledi
Qalasazlıq salasındaǵı ayırım qánigelerdi hár 3 jılda sertifikatlaw sisteması engiziledi
“Hákimshilik reformalar sheńberinde qurılıs hám turaq-jay kommunal xojalıǵı salasında mámleketlik basqarıwdı nátiyjeli shólkemlestiriw ilajları haqqında”ǵı Prezident Pármanı (PF-151-sanlı, 28. 08. 2023 j.) qabıllandı
Pármanǵa kóre, Tashkent qalası Úy-jay kommunal xızmet kórsetiw bas basqarması hám rayonlar bólimleri Tashkent qalası hákimligi boysınıwınan Qurılıs hám úy-jay kommunal xojalıǵı ministrligi boysınıwına ótkerilip, Tashkent qalası úy-jay kommunal xojalıǵı bas basqarması hám rayonlar bólimlerine aylandırıladı.
Sonıń menen birge, qurılıs iskerligi subiektleriniń (buyırtpashı, joybarshı, pudratshı boyınsha ) májburiy tártiptegi qadaǵalaw ilajları “Ashıq qurılıs” milliy málimleme sistemasınıń “Qurılısta mámleket qadaǵalawı” elektron platformasında ámelge asırıladı.
Qalasazlıq salasındaǵı tómendegi tayıpa qánigelerin olardıń iskerlik baǵdarları boyınsha hár 3 jılda bmártebe sertifikatlaw sisteması engiziledi:
2023-jıl 1-oktyabrden:
- joybar basqarıwın hám texnikalıq qadaǵalawdı, sonday-aq jónelisler boyınsha qadaǵalawdı alıp baratuǵın qánigeler;
- joybar shólkemleriniń avtorlıq qadaǵalawın alıp baratuǵın qánigeler, onıń menen birge, joybar bas injenerleri hám bas arxitektorları ;
- pudrat shólkemleriniń ishki qadaǵalawın ámelge asırıwshı qánigeler;
2024-jıl 1-yanvardan :
- qadaǵalawdı ámelge asırıwshı qánigeler;
- ekspert shólkemleri ekspertleri;
- kóp kvartiralı úylerdi basqarıw shólkemleri basshıları ;
2024-jıl 1-aprelden:
- rayon (qala) hám wálayat arxitektorları;
- qurılıs hám turaq-jay kommunal xojalıǵı salasında baqlaw aymaqlıq inspekciyalari inspektorları.
Bunda, qánigelerdi sertifikatlaw jumısların shólkemlestiriw boyınsha jumısshı organ funkciyası Ministrlik janında shólkemlestirilip atırǵan Kompetenciyanı rawajlandırıw institutına júklenedi.
Berdiniyazova Nurya Koshkinbayevna
Xojeli rayonı ádillik bólimi
Yuridikalıq xızmet kórsetiw orayınıń
baslıgı