Янгиликлар
28
Fizikalıq shaxslar tárepinen naq valyutanı bajıxanadan deklaraciyasız alıp ótiw muǵdarı asırıldı
Fizikalıq shaxslar tárepinen naq valyutanı bajıxanadan deklaraciyasız alıp ótiw muǵdarı asırıldı
Ministrler Kabinetiniń qararı (443-sanlı, 04.09.2023 j.) menen Húkimettiń ayırım qararlarına ózgeris hám qosımshalar kirgizildi
Qararǵa kóre:
Fizikalıq shaxslar tárepinen alıp kirilip atırǵan hám alıp shıǵıp ketilip atırǵan 100 million swm ekvivalentinen artıq muǵdardaǵı Ózbekstan Respublikasınıń naq valyutası hám (yamasa) naq sırt el valyutası jolawshı bajıxana deklaraciyasın toltırıw hám bajıxana organı xızmetkerine usınıw jolı menen bajıxana qadaǵalawınan ótkeriledi. Ilgeri 70 million swm edi.
Fizikalıq shaxslar deklaraciya toltırıw talap etiletuǵın belgilengen ekvivalentten artıq muǵdardaǵı naq valyuta qarjıların bajıxana qadaǵalawı formaları qollanılmastan aldın deklaraciyalamaǵan halda bajıxana shólkemleri xızmetkerlerine máslahát alıw maqsetinde usınıs etkende, bajıxana shólkemleri xızmetkerleri tárepinen fizikalıq shaxslarǵa deklaraciya toltırıw qaǵıydaları menen baylanıslı ulıwma túsinikler beriledi. Ilgeri bul qaǵıyda joq edi.
Bul qarar rásmiy járiyalanǵan kúnnen baslap 3 ay ótkennen keyin kúshke kiredi.
Erejepova Ulmeken Duysenovna
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı