Янгиликлар
28
“Ózbekstan - 2030” strategiyası haqqında
“Ózbekstan - 2030” strategiyası haqqında
Prezident Pármanı (PF-158-sanlı, 11. 09. 2023 j.) menen “Ózbekstan - 2030” strategiyası tastıyıqlandı hám de onı 2023-jılda óz waqtında hám sapalı ámelge asırıw boyınsha Prezident qararı (PQ-300-sanlı, 11. 09. 2023 j.) qabıl etildi.
Pármanǵa kóre, “Ózbekstan - 2030” strategiyası tómendegi 5 baslı baǵdar hám de 100 maqsetten ibarat:
hár bir insanǵa óz potencialın júzege shıǵarıw ushın múnásıp sharayatlar jaratıw;
turaqlı ekonomikalıq ósiw arqalı xalıqtıń párawanlıǵın támiyinlew;
suw resursların tejew hám qorshaǵan ortalıqtı qorǵaw;
nızam ústinligin támiyinlew, xalıq xızmetindegi mámleketlik basqarıwdı shólkemlestiriw;
“qáwipsiz hám tınıshlıq súyer mámleket” principine tiykarlanǵan siyasattı basqıshpa-basqısh dawam ettiriw.
Qararǵa kóre, 2024-jıl 1-yanvardan:
- mámleketlik mektepge shekemgı bilimlendiriw shólkemleri tárbiyalanıwshılarına belok, vitamin hám minerallar menen bayıtılǵan sút, yod penen toyındırılǵan nan ónimleri beriliwi jolǵa qoyıladı;
- Xorezm wálayatınıń Qoskópir hám Xonqa rayonlarında eksperiment kórinisinde, barlıq baslanǵısh klass oqıwshıları tálim planshetleri menen támiyinlenip, keyin ala usı tájiriybe respublikanıń barlıq aymaqlarında basqıshpa-basqısh engiziledi;
- banklerdiń mámleketlik emes ulıwma orta bilim beriw shólkemleri iskerligin jolǵa qoyıw ushın bahası 20 milliard swmǵa shekem kreditler boyınsha, payız stavkası tiykarǵı stavkadan asatuǵın, bıraq onıń 1,5 esesinen kóp bolmaǵan bólegin qaplaw ushın kompensaciya usınıw ámeliyatı jolǵa qoyıladı.
2023/2024 oqıw jılınan:
- ulıwma orta bilim beriw mákemeleri 10-klass oqıwshıların kásip-ónerge úyretiw kursları engiziledi;
- Prezident mektepleri hám qánigelestirilgen mektepler ulıwma orta bilim beriw mákemeleri ushın “tayanısh mektep” etip belgilenedi.
Erejepova Ulmeken Duysenovna
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı