Янгиликлар
28
Salıq penen baylanıslı huqıqbuzarlıqlar ushın finanslıq sankciyalar haqqında jańalıqlar
Salıq penen baylanıslı huqıqbuzarlıqlar ushın finanslıq sankciyalar haqqında jańalıqlar
Qararǵa muwapıq, 2023-jıl 1-oktyabrden isbilermenlerge muǵdarı 10 million swmnan joqarı bolǵan salıq penen baylanıslı huqıqbuzarlıqlar ushın, eger isbilermenlik subiekti huqıqbuzarlıqtı tán almasa, finanslıq sankciyalardı tek ǵana sud tártibinde qollaw ámeliyatı jolǵa qoyıladı.
2024-jıl 1-yanvardan tómendegi tártipler engiziledi:
awıl xojalıǵı ónimlerin jetistiriwshilerge ónimdi qamsızlandırıwda qamsızlandırıw sıylıǵınıń 50 payızı muǵdarında subsidiya beriw;
“Izertlew hám rawajlanıw” orayları ushın olar shólkemlestirilgen kúnnen 3 jıl múddetke mal-múlk salıǵı hám jer salıǵı boyınsha esaplanǵan summanıń 1 payızın tólew, olardıń jumısshıları ushın sociallıq salıq stavkasın 1 payız muǵdarında esaplaw;
mámleket úlesi 50 payızdan joqarı bolǵan shólkemler tárepinen hár jılı ámelge asırılatuǵın investiciya joybarları bahasının keminde 5 payızın obligaciyalar shıǵarıw arqalı qarjılandırıw.
2024-jıl 1-yanvardan fizikalıq hám yuridikalıq shaxslarǵa QQS tolıq qaytarıw sisteması tómendegiler esabınan keńeytiriledi:
shet el turistlerine - Ózbekstan xalıq aralıq aeroportlarında Ózbekstanda satıp alınǵan hám “Tax free” sisteması boyınsha rásmiylestirilgen ónimler ushın;
tur-operatorlarǵa - shet el kontragentler menen shártnamalar sheńberinde kórsetilgen eksport xızmetleri ushın.
2023-jıl 1-noyabrden:
únamlı ekologiyalıq ekspertiza juwmaǵın almaǵan obiektlerge qarata qarjılandırıw, kreditlaw hám basqa finanslıq operaciyalardı toqtatıp turıw mexanizmi engiziledi;
ekologik huqıqbuzarlıq islegenlerge qarata zıyandı qaplaw menen bir qatarda, zıyan jetkizilgen tábiyat obiektin qayta tiklew, sonday-aq, onıń belgili bir múddet dawamında qorǵalıwın támiyinlew májbúrıyatı júkletiledi.
2024-jıl 1-yanvardan:
respublikanıń uzaq múddetli suw balansı prognozın júrgiziw, suw resursların tejew dástúrlerin qabıllaw ámeliyatı jolǵa qoyıladı;
Qaraqalpaqstan Respublikası hám Xorezm wálayatınıń awıl xojalıǵı ónimlerin jetistiriwshilerge suwdı tejeytuǵın texnologiyalardı engiziw ushın kreditler 10 payız stavkada (procent stavkaların subsidiyalaw esabına) ajratıladı.
Faxratdinova Gulzada Nuratdinovna
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı