Янгиликлар
29
Mámleket esabınan medicinalıq járdem kórsetiletuǵın jeńillike iye bolǵan shaxslar dizimi keńeytirildi
Mámleket esabınan medicinalıq járdem kórsetiletuǵın jeńillike iye bolǵan shaxslar dizimi keńeytirildi
Párman menen (PP-159, 13. 09. 2023 j.) Prezidenttiń ayırım hújjetlerine ózgeris hám qosımshalar kirgizildi
Oǵan kóre, mámleket byudjeti qarjıları esabına medicinalıq járdem kórsetiletuǵın jeńillikke iye bolǵan shaxslar dizimine tómendegiler kirgizildi:
Qorǵanıw, Ishki isler, Ayrıqsha jaǵdaylar ministrlikleri, Milliy gvardiya, Mámleketlik qawipsizlik xızmeti, Ózbekstan Prezidenti mámleket qawipsizlik xızmeti, Bajıxana komiteti hám Elektron texnologiyalardı rawajlandırıw orayınıń Watandı qorǵaw hám el-xalqımızdıń tınıshlıǵı jolında qaytıs bolǵan áskeriy xızmetkerler hám xızmetkerlerdiń shańaraq aǵzaları (ata-anası, qaytıs bolǵan waqıtta nızamlı nekede bolǵan hayalı (kúyewi) hám perzentleri).
Sonıń menen birge, Ózbekstan Qurallı Kúshlerinde xızmet wazıypasın orınlaw waqtında dene jaraqatın alǵan áskeriy xızmetkerlerge yamasa qaytıs bolǵan áskeriy xızmetkerlerdiń shańaraq aǵzalarına bir mártelik pensiya belgilew hám tólew tártibi haqqındaǵı nızamǵa kiritilgen qosımshaǵa kóre:
Áskeriy xızmetker Watandı qorǵaw hám el-xalqımızdıń tınıshlıǵı jolında qaytıs bolǵanda, onıń shańaraq aǵzalarına qaytıs bolǵan adamnıń tiykarǵı iyelegen lawazımı boyınsha is haqısı (joqarı áskeriy-bilimlendiriw mákemesi kursantı) hám áskeriy (arnawlı) dárejesi miynet is haqısı jıyındısınıń 150 esesi muǵdarında pensiya tayınlanadı.
Usı pensiya 2023-jıl 1-aprelden keyingi dáwirde qaytıs bolǵan áskeriy xızmetkerdiń shańaraq aǵzalarına tólenedi.
Faxratdinova Gulzada Nuratdinovna
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı