Янгиликлар
28
Oqıtıwshılarǵa mamanlıq kategoriyasın beriwdegi jeńillikler
Oqıtıwshılarǵa mamanlıq kategoriyasın beriwdegi jeńillikler
Ayırım oqıtıwshılarǵa mamanlıq kategoriyası attestaсiyadan ótkerilmesten beriledi.
Tómendegi pedagog kadrlarǵa mamanlıq taypası (lawazım) tuwrıdan-tuwrı (attestaсiyadan ótkerilmesten) beriledi :
???? Mektepke shekemgi hám mektep bilimlendiriw ministrligi tárepinen dizimi tastıyıqlanatuǵın sport jarıslarınıń:
- rayon (qala)lıq basqıshı jeńimpazın (1-orın) tayarlaǵan mektepke shekemgi bilimlendiriw shólkemleriniń dene tárbiyası jol-jobashılarına — ekinshi mamanlıq kategoriyası (úlken oqıtıwshı lawazımı);
- Qaraqalpaqstan Respublikası, wálayatlar hám Tashkent qalalıq basqıshı jeńimpazın (1-orın) tayarlaǵan mektepke shekemgi bilimlendiriw shólkemleriniń dene tárbiyası jol-jobashılarına — birinshi mamanlıq kategoriyası (jetekshi oqıtıwshı lawazımı);
- xalıqaralıq hám de respublika basqıshı jeńimpazı hám sıylıqlanıwshıların (1 — 3-orın) tayarlaǵan mektepke shekemgi bilimlendiriw shólkemleriniń dene tárbiyası jol-jobashılarına — joqarı mamanlıq kategoriyası (bas oqıtıwshı lawazımı);
????belgilengen tártipte tastıyıqlanatuǵın sport hám ǵalabalıq dene tárbiyası ilajlarınıń respublika, aymaqlıq hám dene tárbiyası-sport shólkemleri kalendar jobalarına kirgiziletuǵın sport jarıslarınıń:
- rayon (qala)lıq basqıshı jeńimpazın (1-orın) tayarlaǵan bilimlendiriw shólkemleriniń dene tárbiyası páni oqıtıwshılarına — ekinshi mamanlıq kategoriyası (úlken oqıtıwshı lawazımı);
- Qaraqalpaqstan Respublikası, wálayatlar hám Tashkent qalalıq basqıshı jeńimpazın (1-orın) tayarlaǵan bilimlendiriw shólkemleriniń dene tárbiyası páni oqıtıwshılarına — birinshi mamanlıq kategoriyası (jetekshi oqıtıwshı lawazımı);
- xalıqaralıq hám de respublika basqıshı jeńimpazı hám sıylıqlanıwshıların (1 — 3-orın) tayarlaǵan bilimlendiriw shólkemleri dene tárbiyası páni oqıtıwshılarına — joqarı mamanlıq kategoriyası (bas oqıtıwshı lawazımı);
???? dene tárbiyası pán olimpiadasınıń, sonıń menen birge, «Bes baslama olimpiadası», olimpiada, olimpiya emes hám milliy sport túrleri boyınsha úsh basqıshlı ulıwma respublikalıq sport jarıslarınıń:
- rayon (qala)lıq basqıshı jeńimpazı hám sıylıqlanıwshıların (1 — 3-orın) tayarlaǵan ulıwma orta bilim beriw shólkemleriniń dene tárbiyası páni oqıtıwshılarına — ekinshi mamanlıq kategoriyası (úlken oqıtıwshı lawazımı);
- Qaraqalpaqstan Respublikası, wálayatlar hám Tashkent qalalıq basqıshı jeńimpazı hám sıylıqlanıwshıların (1 — 3-orın) tayarlaǵan ulıwma orta bilim beriw shólkemleriniń dene tárbiyası páni oqıtıwshılarına — birinshi mamanlıq kategoriyası (jetekshi oqıtıwshı lawazımı);
- xalıqaralıq hám de respublika (final) basqıshı jeńimpazı hám sıylıqlanıwshıların (1 — 3-orın) tayarlaǵan ulıwma orta bilim beriw shólkemleriniń dene tárbiyası páni oqıtıwshılarına — joqarı mamanlıq kategoriyası (bas oqıtıwshı lawazımı);
???? xalıqaralıq matematika (IMO), fizika (IPhO), ximiya (IChO), biologiya (IBO) informatika (IOI) olimpiadalarında altın, gúmis yamasa bronza medal (birinshi, ekinshi hám úshinshi orın) sıylıqlanıwshıların tayarlaǵan bilimlendiriw shólkemleriniń pedagog kadrlarına — joqarı mamanlıq kategoriyası (bas oqıtıwshı lawazımı);
???? joqarı mamanlıq taypasına (bas oqıtıwshı lawazımına) iye bolǵanınan keyin joqarı mamanlıq kategoriyasın (bas oqıtıwshı lawazımın) 15 jıl dawamında saqlap kelgen hám úziliksiz jumıs stajına iye bolǵan pedagog kadrlarǵa — joqarı mamanlıq kategoriyası (bas oqıtıwshı lawazımı).
Tajibaev Rustam Baxadirovich
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı