Янгиликлар
27
PHAJ bóliminde keyingi ózgerisler
PHAJ bóliminde keyingi ózgerisler
Prezidentimizdiń baslaması menen elimiz turmısınıń barlıq tarawlarında ámelge asırılıp atırǵan reformalar negizinde eń dáslep xalqımız ushın múnásip shárayatlar jaratıw, xalıqtıń awırın jeńil, uzaǵın jaqın etiw hám har tárepleme qolayıqlıqlarǵa iye mámleketlik xızmetlerdi kórsetiw boyınsha bir qansha parman hám qararlar qabıl etilmekte.
Atap aytqanımızda Ózbekstan Respublikası Ministler kabinetiniń 28.09.2022-jılı 540-sanlı qararına tiykar xalıqqa puqaraliq halatı aktlerin dizimge alıw menen baylanıslı mámleket xızmetlerı ańsat hám qolay shárayatlarda kórsetiw, tuwılǵanlıqtı óz waqtında dizimge alıw, neke dúziw hám nekeni biykar etiw jaǵdawların dizimge alıwda áweregershiliktiń aldın alıw, puqaralıq halatı aktlerin jazıw organlar xızmetkerleri ortasında korrupsıyalıq halatlardı hám ondaǵı náwbetlerdi sheshiw hámde puqaralıq halatı aktlerin dizimge alıw tártiplerin jánede qáliplestiriw maqsetinde tuwılǵanlıqtı medicinalıq birlespeler arqalı puqaralıq halati aktlerin jazıw bólimlerinde dizimge alıw tártibi 2023-jıldıń iyun ayınan engizildi. Tuwılǵanlıq puqaralıq halatı aktlerin jazıw bólimlerinde dizimge alınǵanlıǵı haqqında medicina birlespeleri tárepinen QR-kod (matrik shtrıxlı kod) súwreti túsirilgen maǵlıwmatnama beriledi hám usı maǵlıwmatnama tuwılǵanlıq haqqındaǵı gerblı guwalıqqa teńlestiriledi hámde mámleket organları hám shólkemler tárepinen qabıl qılıwdı biykar etiw qadaǵan etildi.
Bul jerde sonı aytıp ótiwimiz kerek puqaraǵa medicina birlespesi tárepinen QR-kod (matrik shtrıxlı kod ) súwreti túsirilgen maǵlıwmatnama biypul beriledi hám puqaralıq halatı akt jazıw bólimlerinen tuwılǵanlıq haqqındaǵı gerbli guwalıq puqaralardıń qálegen waqıttaǵı múrajjatlarına tiykar belgilengen muǵdarda gerb jıyımı óndirilgen halda rásmiylestirip beriledi.
Sonday-aq puqaralardıń familya, atı hám akesiniń atın ózgertiwde tekseriw ótkiziw ushın puqaralıq halatı aktlerin jazıw bólimleri tárepinen «PHAJdıń birden bir elektron arxivi » málimleme sisteması dizimi arqalı ishki isler organlarına sorawnama jiberiw hám pikr alıw tártibi jolǵa qoyıldı.
Ámelge asırılıp atırǵan reformalar xalqımızǵa jaqsı shárayatlar jaratıw menen birge puqaralardıń waqtın tejew bolip, mámleketlik xızmet kórsetiwdi ele de kúsheytiriw bolip esaplanadı.
Qanlıkól rayonı ádillik bólimi
PHAJ bólimi baslıǵı P.Avezova