Янгиликлар
27
Ózbekstan Respublikası Ministrler Kabinetiniń 2003-jıl 25-avgusttaǵı 365-sanlı qararı haqqında
Ózbekstan Respublikası Ministrler Kabinetiniń 2003-jıl 25-avgusttaǵı 365-sanlı qararı haqqında
Ózbekstan Respublikası Ministrler Kabinetiniń 2003-jıl 25-avgusttaǵı «Nekelesiwhi shaxslardı medicinalıq kórikten ótkeriw haqqında» 365-sanlı qararına ózgeris hám qosımshalar kiritiw haqqında Ministrler Kabinetiniń 2007-jıl 17-apreldegi 78-sanlı qararınıń maqset hám wazıypaları salamat shańaraqtı jaratıw ushın sháriyatlar jaratıw, násillik penen baylanıslı hám tuwma keselliklerge shalınǵan balalardıń tuwılıwınıń aldın alıw, nekelesiwshi shaxslardı medicinalıq kórikten ótkeriwdıń maqseti bolıp esanlanadı.
Nekeden aldın medicinalıq kórikten ótiw, nekelesiwshi shaxslardıń puqaralıǵına hám turaqlı jasaw jerine qaramastan Ózbekstan Respublikası PHAJ bólimleri tárepinen dizimnen ótken barlıq nekelesiwshi shaxslarǵa qollanıladı, 50 jastan ótken shaxslar tek ǵana ózleriniń razılıǵı menen ǵana medicinalıq kórikten ótkeriledi. Nızamǵa muwapıq nekelesiwshiler psixik, narkologik, teri keselligi, sil keselligi hám SPID kesellikleri júzesinen kórikten ókteriledi. PHAJ bólimleri tárepinen berilgen jollamalar boyınsha medicinalıq kórikten biypul ótkeriledi. Egerde bir tárepten joqarıdaǵı atı kórsetilgen kesellikler anıqlanǵan bolsa onday jaǵdayda ekinshi
tárepke bul haqqında maǵlıwmat beriledi hámde razılıǵı alınǵannan soń nekesi dizimge alınadı. Sonday aq medicinalıq kórikten jalǵan jol
menen ótiw, bul shańaraq qurıwdı jalǵanlıq penen baslap atırǵanlıqtan
dárek beredi. Mámleketimiz tárepinen shańaraqtıń párawanlıǵı hám onıń bekkem bolıwı ushın shıǵarılıp atırǵan qarar hám pármanlar keleshegimiz bolǵan jas áwladlardıń huqıqıy hám medicinalıq bilimin asırıw ushın xızmet etedi.
Barlıq insan bul ómirge baxıt ushın keledi. Bir ómirge bas qosqan joldasınıń salamat, hadal , márt bolıwın qáleydi. Álbette bul ushın birinshi náwbette hár bir insannıń huqıqıy hám medicinalıq mádeniyatı kúshli bolıwı kerek.
Solay eken hár bir nekelesiwshiler bir-biriniń den-sawlıǵınan xabardar bolıp nekeden ótse bul shańaraqtıń uzaq jıllar dawamında baxıtlı turmıs keshiriwine sebepshi boladı.
Qanlıkól rayonı PHAJ bólimi ádillik
bólimi PHAJ bólimi 1-darejeli inspektorı
Seytjanova Jupar Turǵanbayevna