Янгиликлар
27
Mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw tártibi
Mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw tártibi
Elimizde mámleketlik xızmetler kórsetiw tarawında hár jılı úlken ózgeris hám reformalar ámelge asırılmaqta. Bunday unamlı ózgerislerden jáne biri Ózbekstan Respublikası Ministrler Kabinetiniń 2021-jıl 29-dekabrdeǵi 788-sanlı qararı menen Mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw boyınsha mámleketlik xızmetler kórsetiwdiń hákimshilik reglamenti tastıyıqlandı. Bul hákimshilik reglamentke tiykar, mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw boyınsha mámleketlik xızmetti kórsetiw tártibi, arza beriw jáne onı kórip shıǵıw, ruxsatnamanı arza beriwshige usınıw, ruxsatnamanı beriwden bas tartıw tiykarları belgilendi.
Hákimshilik reglamentke tiykar, Mámleketlik arxivler oqıw zallarında arxiv hújjetlerinen paydalanıwǵa ruxsatnama beriw mámleketlik xızmetler orayları yamasa Ózbekstan Respublikası Birden-bir ınteraktiv mámleketlik xızmetler portalı (my.gov.uz) arqalı mámleketlik arxivlerı tárepinen kórsetiledi.
Arxiv hújjetlerinen shólkemniń rejege muwapıq xızmet, islep shıǵarıw, ilimiy, materiallıq, bilimlendiriw, tálim hám nızam hújjetlerinde qadaǵan etilmegen basqa jumısların yamasa xızmetkerdiń xızmet wazıypaların orınlaw maqsetinde paydalanıwda sorawnamaǵa usı shólkemniń rásmiy xatınıń nusqası qosımsha etiliwi kerek.
Mámleketlik xızmet kórsetilgenligi ushın jıyım pulı óndirilmeydi bunda, arxiv hújjetlerinen nusqa alıw hám basqa pullı arxiv xızmetlerinen tısqarı.
Mámleketlik arxivke elektron sorawnama kelip túsken waqıttan baslap 1 jumıs kúninde reglamentke muwapıq mámleketlik arxivlerı oqıw zallarında arxiv hújjetlerinen paydalanıwǵa matrik shtrixlı kod qoyılǵan ruxsatnamanı qáliplestiredi. Ruxsatnama bir jıl múddetke paydalanıw ushın ámel etedi.
Ruxsatnamanıń ámel qılıw múddetin uzaytırıw ushın múrájatshi ruxsatnamanıń ámel qılıw múddeti juwmaqlanıwına jigirma jumıs kúninen kem múddet qalǵanında múrájat etedi.
Qaraózek rayonı Ádillik bólimi
Mámleketlik xızmetler orayı
bólim baslıǵı A.Dosımbetov