Янгиликлар
18
PHAJ uyımlarında is júrgiziw tártibi
PHAJ uyımlarında is júrgiziw tártibi
Puqaralıq halatı aktlerin jazıw mákemeleri puqaralar ómirindegi waqıya hám faktlerdi dizimge alıw wákilligine iye bolǵan mámleketik organ. Búgingi kúnde Ózbekstan Respublikası Ádillik ministrligi quramındaǵı PHAJ bólimlerine kóplegen wazıypalar júkletilgen. Bul uyımlarda puqaralardıń tuwılıwı, nekemi dizimge alıw, nekeden ajırasqanlıq hám ólimi dizimge alınadı.
Búgingi kúnde Xojeli rayonı ádillik bólimi Puqaralıq halatı aktlerin jazıw bóliminde 1817 tuwılǵanlıq aktleri, 545 neke dúzilgenligi haqqındaǵı aktler, 393 ólim aktleri hám 102 nekeden ajırasqanlıq aktleri dizimge alındı. Ayırım jaǵdaylarda balalardıń tuwılǵanlıǵı múddeti ótkerip dizimge alınadı. Ministrler Keńesiniń 14-noyabr 2016-jıl 387-sanlı puqaralıq halatı aktlerin dizimnen ótkeriw haqqındaǵı qaǵiydanıń 18 bántine tiykar puqara Allaxanova Zamira Saparbaevnanıń múrájatına tiykar 2021-jıl 9- mart kúni Qazaqstan Respublikası Almatı qalasında tuwılǵan perzenti Allaxanov Imran Saparbaevichtıń tuwılǵanlıǵı dizimge alınıp, tuwılǵanlıǵı haqqında gúwalıǵı berildi.
Usı kúnge shekem Xojeli rayonlıq PHAJ bóliminde shet elde tuwılǵan jámi 6 balanıń tuwılǵanlıǵı dizimge alınıp olarǵa tuwılǵanlıǵı haqqında guwalıqların alıwda ámeliy járdem berildi.
Xojeli rayonı ádillik bólimi
PHAJ bólimi inspektorı
Z.Mámbetsharipova