Янгиликлар
25
Taqiyatas rayonı ádillik bóliminiń 2023 jıl 2-sherektegi jumıs iskerliginen
2023-jıl 2-sherekte Ádillik ministrligi sistemasında zamanagóy basqarıw usılları ámeliyatqa engiziliwi múnasábeti menen rayon (qala) ádillik bólimleriniń jumıs iskerliginde talap kúsheytirilip, xızmetkerlerdiń juwapkershiligi jánede asırıldı.
Nátiyjede ádillik bólimleri aldına qoyılǵan wazıypalardı ámelge asırıw, atap aytqanda puqaralar múrájatları menen islesiw, monitoringler ótkeriw, rayon (qala) dárejesindegi mekeme hám shólkemlerde huqıqtı qollaw ámeliyatın úyreniw, nızamshılıqtaǵı jańalıqlar hám mámleket siyasatın jetkeriw boyınsha jumıslarda nátiyjelik arttı.
Taqiatas rayonı ádillik bólimine 2023-jıl 2-sherek dawamında jámi 110 arza hám shaǵımlar kelip tústi, sonnan qanaatlantırılǵan arza hám shaǵımlar 89 dı, huqıqıy túsinik berilgeni 18di, tiyisliligi boyınsha jiberilgenler 1di quraydı.
Norma dóretiwshiligi salasında sociallıq qorǵaw, isbilermenlik, tálim hám basqa tarawlarǵa tiyisli nızamshılıqtı jetilistiriw júzesinen 3 usınıs islep shıǵıldı.
Rayon hákimligi hám Xalıq deputatları rayonlıq Kenesiniń 10 normativlik-huqıqıy hújjet joybarları huqıqıy ekspertizadan ótkeriw ushın kelip túsip, sonnan 4 hújjet joybarı huqıqıy ekspertizadan ótkerilip, 6 hújjet joybarı belgilengen talaplarǵa ámel etilmegenligi sebepli qaytarılǵan.
Bólim tárepinen puqaralardıń huqıq hám máplerin qorǵaw boyınsha bir qansha jumıslar ámelge asırıldı. Atap aytqanda, puqaralardıń mápinde puqaralıq sudqa 49 arza hám dawa arzalar kirgizildi.
Bunnan tısqarı, 11 mekeme hám shólkemlerde úyreniw hám monitoring ótkerildi. Sonnan, insan huqıqların qorǵaw salasında - 4, mámleket xızmetlerin kórsetiw salasında -1 hámde yuridikalıq xızmet iskerligi salasında - 6 nı quraǵan.
Ótkerilgen úyreniw hám monitoring dawamında 397 nızam buzılıw jaǵdayları anıqlanıp, olardı saplastırıw boyınsha mekeme hám shólkemlerge jámi 30 usınıs, 17 hákimshilik usınıs hám 1 jınayıy usınıs kirgizildi.
Kiritilgen tásir sharalar nátiyjesinde puqaralar paydasına jámi 1 mlrd. 877 mln sumnan aslam is-haqıları hám basqa dáramatları óndirildi hámde 17 lawazımlı shaxslar hákimshilik juwapkershilikke tartıldı.
Puqaralardıń huqıqıy sana-sezimine jáne mádeniyatın asırıw boyınsha 2023-jıl 2-sherek dawamında bólim xızmetkerleri tárepinen jámi 650 úgit-násiyat jumısları alıp barıldı.
Taqiyatas rayonı ádillik
bólimi baslıǵı w.w.a. A. Gulimbetov