Янгиликлар
25
Bala kútimi ushın beriletug'ın napaqalar.
Ózbekstan Respublikası Prezidentiniń «Kem tàmiynlengen shańaraqlarg'a materiallıq jàrdem kơrsetiw hàmde kàmbag'allıq penen gúresiw kơlemin jànede keńeytiw is-ilàjları haqqında»gı 2021-jıl 11-avgustdag'ı PP-6277-sanlı Pàrmanında bala tàrbiyalap atırg'an shańaraqlardı qollap-quwatlaw sistemasınıń natiyjeliligin asiriw, sotsiallıq qorg'aw hàm kơmekke mútàj shańaraqlardı materiallıq tàmiynatın kúsheytiw, mútajligi bar shańaraqlardı anıqlawda hàmme tarepinen tàn alıng'an xalıq aralıq standartlardı hàm avtomatlasqan ashıq elektron bahalaw mexanizmlerin engiziw arqalı pensiyalardı tơlew sistemasın balalar potencialın rawajlandırıw hàm jarlılıqtı kemeytiwge qaratıw maqsetinde 2021-jıl 01-sentyabr'den baslap, 14 jasqa shekem balaları bolǵan shańaraqlarg'a pensiya hàm de bala 2 jasqa tolg'ang'a shekem onı bag'ıw pensiyası ornına kem tàmiyinlengen shańaraqlarg'a balalar pensiyası engizildi. Balalar pensiyasın belgilewde, inabatqa alınatug'ın balalar jası 14 jastan 18 jasqa shekem asırıldı hàm tơlew múddeti 6 aydan 12 ayg'a asırıldı, onıń mug'darın shańaraqtag'ı balalar sanınan kelip shıg'ıp belgilew tàrtibi qollanıladı delingen. Jalg'ız baslı puqaralarg'a, perzenti bolmag'an yamasa barlıq perzentleri 18 jastan úlken shańaraqlar kem tàmiyinlengen shańaraqlarg'a materiallıq jàrdem tayınlanadı.
2021-jıl 01-sentyabr'den baslap balalar pensiyası hàm kem tàmiyinlengen shańaraqlarg'a materiallıq jàrdem pul tơlewleriniń tơmendegi mug'darları belgilendi. Balalar pensiyasınıń hàr aylıq mug'darı 250 000 sum, 3 jastan 18 jasqa deyingi bir perzenti ushın, 325 000 sum, jası 3 jasqa deyingi bir perzenti ushın 150 000 sum, shańaraqtıń ekinshi perzenti ushın qosımsha 100 000 sumnan shańaraqtıń úshinshi hàm onnan keyingi hàr bir perzenti ushın dep belgilengen.
Kem tәmiyinlengen shańaraqlar ushın materiallıq jàrdemniń aylıq mug'darı 380 000 sumnan belgilengen.
Bunda, 2021-jıl 01-sentyabr'ge shekem tayınlang'an 14 jasqa shekem balaları bolǵan shańaraqlarg'a pensiya, bala 2 jasqa tolg'ang'a shekem onı bag'iw Pensiyası hàm de kem tәmiyinlengen shańaraqlarg'a materiallıq jàrdemdi tơlew múddetleri tamam bolǵanǵa shekem, usı túrdegi pensiyalar hàm materiallıq jàrdemniń àmeldegi mug'darları hàm de olardı tơlew múddetleri saqlap qalınadı delingen.
Usılarǵa muwapıq 2021-jil 01-oktyabr'den baslap, «Sotsiallıq qorg'aw birden-bir reestri» informatsiya sisteması arqalı kem tàmiyinlengen dep tàn alıng'an shańaraqlar hàm shaxslar tuwrısındag'ı mag'lıwmatlar juwapker ministrlik hàm shơlkemlerge «Elektron húkimet» sisteması mekemeler-ara integraciyalaw platforması arqalı usınıs etiletug'ınlıg'ı kơrsetip ơtilgen.
Usınıń menen birge, Ózbekstan Respublikası Ministrler Kabinetiniń xalıqtı sotsiallıq qorg'aw sistemasın jànede jetilistiris is-ilàjları haqqında»gı 2021-jıl 21-oktyabrdegi 654-sanlı qararındada kem támiyinlengen shańaraqlardı «Xalıqtı sociallıq qorǵaw birden-bir reestri» informaciya sisteması arqalı anıqlaw, olarǵa kem támiyinlengen shańaraqlar balaları ushın pensiya hám materiallıq járdem belgilew hám tólew tártibi tuwrısında kơrsetip ơtilgen.
Qaraơzek rayonı Adillik bơlimi
Yuridikalıq xızmet kơrsetiw orayı bas yuriskonsultı D. X. Amaniyazov