Янгиликлар
24
Awıl aymaqlarında shat tillerin oqıtıw iskerligin shólkemlestiriw ushın mámleketlik emes bilimlendiriw shólkemlerine subsidiya ajratıw tártibi.
Ózbekstan Respublikası Ministrler Kabinetiniń 2022-jıl 20-sentyabr kúngi 513-sanlı qaraına tiykar Awıl aymaqlarında shet tillerdi oqıtıw iskerligin shólkemlestiriw ushın mámleketlik emes bilimlendiriw shólkemlerine jergilikli byudjet qarjıları esabınan bir mártelik subsidiya ajıratıw boyınsha mámleketlik xızmeti kórsetiw hákimshilik reglamenti tastıyıqlandı.
Hákimshilik reglamentke tiykar subsidiya mámleketlik emes bilimlendiriw shólkemlerine tómendegi maqsetlerde ajıratıladı:
- imarat hám oqıw xanaların zamanagóy málimleme kommunikaciya texnologiyaları, mebel, ásbap-úskeneler, oqıtıwdıń texnikalıq quralları hám basqa úskeneler menen úskenelewge;
- zárúr sabaqlıqlar, oqıw-metodikalıq ádebiyatlar hám basqa kitapxana-málimleme resursları hámde quralları menen támiyinlew, tálim processin shólkemlestiriwge tartılatuǵın pedagog kadrlar miynetine haqı tólew ushın ajratıladı.
Mámleketlik emes tálim shólkemlerine subsidiya Ministrler Kabineti janındaǵı Shet tillerdi úyreniwdi ǵalabalastırıw agentliginiń aymaqlıq wákili, Mámleket salıq basqarması hám Qarjı basqarması (keyingi orınlarda — juwapker shólkemler) tárepinen usınıs etilgen maǵlıwmatlardı Qaraqalpaqstan Respublikası Ministrler Keńesi hám wálayatlar hákimlikleri (keyingi orınlarda-jergilikli hákimlikler) tárepinen bahalaw tiykarında ajratıladı.
Jergilikli hákimlikler tárepinen áyne bir mámleketlik emes tálim shólkemine bir márteden kóp subsidiya ajratılıwına jol qoyılmaydı.
Awıllarda shet tillerin úyretiwshi mámleketlik emes bilimlendiriw shólkemleri my.gov.uz birden bir interaktiv mámleketlik xızmetler portalı arqalı, kalendar jıldıń hár shereginiń birinshi ayınıń 10-sánesine shekem subsidiyaǵa arza beriwi múmkin.
Múrájatqa tómendegiler qosımsha etiledi:
- mámleketlik emes tálim shólkeminiń tálim iskerligin rawajlandırıw boyınsha keminde eki jılǵa mólsherlengen biznes rejesi;
- mámleketlik emes tálim shólkeminiń ónim jetkerip beriw yamasa islerdi, xızmetlerdi orınlaw haqqında dúzilgen hám ámel qılıw múddeti tamamlanbaǵan xojalıq shártnamaları;
- pedagog kadrlar menen dúzilgen miynet shártnamaları yamasa puqaralıq-huqıqıy túrdegi shártnamaları;
- ámeldegi pedagog kadrlardıń shet tiln biliw dárejesin tastıyıqlawshı milliy sertifikatı yamasa xalıq aralıq tán alınǵan sertifikatları;
- tálim processinde paydalanılıp atırǵan imarat yamasa oqıw xanalarınıń ijara shártnaması (kóshpelis múlk ijarası tiykarında iskerlik júrgizeip atırǵan mámleketlik emes tálim shólkemleri ushın).
Subsidiya talabanlarınan joqarıda kórsetilmegen maǵlıwmat hám hújjetlerdi talap etiw qatań túrde qadaǵan etiledi.
Talaban tárepinen mámleketlik xızmetinen paydalanıw ushın tólem ámelge asırilmaydi.
Nókis rayonı Ádillik bólimi
Mámleketlik xızmetler orayı
direktorı Auezov Bekbosın Maratovich