Янгиликлар
03
Hayallar dápteri degenimiz ne?
“Hayal-qızlardı social qollap-quwatlaw boyınsha qosımsha ilajlar haqqında”ǵı 08.01.2021-jıl húkimet qararı tastıyıqlandı. Hayallar dápteri degenimiz — sociallıq, ekonomikalıq, huqıqıy, psixologiyalıq qollap-quwatlawǵa, bilim hám kásip úyreniwge mútájligi bolǵan, jumıssız hayal-qıalrdıń mashqalaların anıqlaw, olardı saplastırıw hám baqlap turıwshı maǵlıwmatlar bazası.
“Hayallar dápteri”ne 30 jastan asqan tómendegi kategoriyadaǵı hayal-qızlar kiritiledi:
- sociallıq qorǵawǵa mútáj jumıssız hayal qızlar ;
- baǵıwshısın joǵatǵan mútajligi bar hayal-qızlar ;
-sociallıq járdemge mútáj I hám II gruppa mayıplıǵı bolǵan hayal-qızlar ;
- turaq-jayın remontlawǵa mútáj I gruppa mayıplıǵı bolǵan hayal-qızlar ;
- turaq emes orınlarda jasap atırǵan, óziniń yamasa birgelikte jasawshı shańaraq aǵzalarınıń atında turaq jayı bolmaǵan hayal-qızlar ;
- qaramaǵında bir yamasa onnan artıq I hám II gruppa mayıplıǵı bolǵan balaları bar jalǵız áyeller;
- medicinalıq qorǵawǵa mútáj mútajligi bar hayal-qızlar ;
-huqıqıy járdem alıwǵa mútáj hayal-qızlar ;
- psixologiyalıq másláhátke mútáj hayal-qızlar (qısıw hám zorlıqshılıqtan jábirlengen, social máseleleri ámeldegi hayal-qızlar ).
Nókis qalası ádillik bólimi, insan huqıqların qorǵaw hám huqıqtı qollaw ámeliyatın úyreniw bólimshesi
jetekshi másláhátshisi D.Naurızbaeva