Янгиликлар
28
Bir múrájat izinen.
Xabarıńız bar Ózbekstan Respublikası Prezidentiniń 2018-jıl 13-apreldegi 5415-sanlı «Mámleketlik huqıqıy siyasattı ámelge asırıwda ádillik uyımları hám mákemeleriniń jumısın túp tiykarınan jetilistiriw ilajlar haqqında»ǵı Pármanına tiykar rayon (qala) Ádillik bólimlerine fizikalıq hám yuridikalıq shaxslardıń nızamlı huqıqların qorǵaw hám bul saladıǵı múrájatlerin nızam tiykarında úyrenip hámde sheshiw wákilligi berilgen.
Búgingi kúnde Ádillik bólimine fiziykalıq hám yuridikalıq shaxslardan jámi 60 múrájat kelip túsken bolsa sonnan 54 múrájat qanaatlandırılǵan, 2 múrájat puqaralar tárepinen shaqırıp alıwı nátiyjesinde kórmesten qaldırılǵan, 2 múrájatke huqıqıy túsinikler berilgen bolsa, 2 múrájat bólim óndirisinde qalmaqta.
Usı tiykarda hámde Ózbekistan Respublikası “Fizikalıq hám yuridikalıq shaxslardıń múrájatleri haqqında”ǵı Nızamınıń 24-statyasına muwapıq Bozataw rayonı Ádillik bólimine puqara N.Jniń bólimge yaǵnıy, “jumıs ornı qısqarıwına baylanıslı rayon hákimligi tárepinen Eskertiw berilgenligin, eskertiw múddeti ótpesten óz razılıǵı hám rayon hákimliginiń 27.02.2023-jılǵı №21-sanlı buyrıǵına tiykar bosaǵanlıǵın biraq usı kúnge shekem jumıstan bosatıw napaqası yaki eskertiw múddetine almastırılǵan pullı konpensaciya tólenilmey kyatırǵanlıǵı” boyınsha qılǵan múrájatı tiyisli tártipte úyrenip shıǵıldı.
Ótkerilgen úyreniw dawamında tómendegiler anıqlandı:
Puqara J.N 28.02.2023-jılǵa shekem Bozataw rayonı Máhállebay islew hám isbilermenlikti rawajlandırıw orayı, máhállelerde drayverların anıqlaw hám isbilermenlikti rawajlandırıw sektorında islep kelgen.
Bozataw rayonı Hákimligi tárepinen Ózbekstan Respublikası Prezidentiniń 2023-jıl 25-yanvar kúngi PP-14-sanlı pármanı hám Ózbekstan respublikası Kambaǵallıqtı qısqartırıw hám bántlik ministrliginiń 2023-jıl 27-yanvar kúngi 1-ICH-sanlı buyrıǵına tiykarlanıp onıń menen dúzilgen miynet shártnaması biykar etiliwine baylanıslı eskertiw berilgen hám usı eskertiw múddeti ótpesten pullı kompensaciyaǵa almastırǵan.
Bozataw rayonı Hákiminiń 27.02.2023-jılǵı №21-sanlı Buyrıǵı menen puqara J.N penen dúzilgen miynet shártnaması 28.02.2023-jıldan baslap biykar etilgen hám eskertiw múddetine muwapıq keletuǵın pullı kompensaciya hám miynet kodeksiniń 109-statyasına tiykar ortasha aylıq is haqı muǵdarında jumıstan bosatıw napaqası tóleniwi belgiengen bolsada, bul jaǵdaylarǵa qaramastan Bozataw rayonı hákimligi esapshısı O.A tárepinen mart ayı ushın kompensaciya pulları 11.04.2023-jılǵa kelip 3.290.665 swm tólenilgenligi hámde ekinshi ayı ushın kompensaciya pulları hámde jumıstan bosatıw napaqaları tólenilmesten kelingenligi anıqlandı.
Bozataw rayonı hákimligi esapshısı O.A tárepinen bul jaǵdayda Ózbekstan Respublikası Miynet kodeksiniń 67-statyası “Miynet shártnaması ayırıqsha jaǵdaylarǵa kóre biykar etilgende materiallıq járdem beriw ushın belgilengen qosımsha kepillikler”, 109-statsı “Jumıstan bosatıw napaqası” hám 110-statyası “Miynet shááárnaması biykar etilgende xızmetkerge tiyisli is haqın jumıs beriwshi tárepinen tólew múddetileri” sonday-aq, Ózbekstan Respublikası Bántlik hám miynet qatnasıqları ministriniń 2021-jıl 4-mart kúngi 11-2021-B-sanlı (Ádillik ministrliginen 01.04.2021-jıl 720-1-san menen dizimnen ótken) Buyrıǵı talapları buzılǵanlıǵı anıqlanıp, rayon hákimligi esapshısına Ózbekistan Respublikası Hákimshilik juwapkershilik haqqındaǵı kodeksiniń 49-statyasında názerde tutılǵan huqıqbuzarlıqqa jol qoyılǵanlıǵı boyınsha Bozataw rayonı Kambaǵallıqtı qısqartıw hám bántlik bólimine hákimshilik juwapkershilikke tartıw haqqında usınıs kiritilip, kiritilgen usınısqa tiykar hákimlik esapshısı A.Oǵa BEMnıń 5 esesi muǵdarında járiyma jazası tayınlandı.
Sonday-aq, Bozataw rayonı hákimligine puqara J.Nǵa tóleniwi tiyis bolǵan jámi 5.162.195 swm jumıtan bosaw napaqası hámde kopensaciya pulların tólew sharaların kóriw boyınsha Bólim tárepinen orınlanıwı májbúriy túske iye bolǵan “Usınıs” kiritilp 5.162.195 swm pul summaları tóleniliwi támiynlendi.
Bozataw rayonı ádillik bólimi baslıǵı Nesip Kalimbetov