Янгиликлар
20
#Nızamshılıqtaǵı_jańalıqlar
❗️Ayırım klinikalıq ordinatura hám magistratura qánigeliklerine qabıllaw tek mámleketlik grantı tiykarında ámelge asırıladı
“Xalıqtıń ruhıy salamatlıǵın qorǵaw xızmetin jánede rawajlandırıw ilajları haqqında”ǵı Prezident qararı (PQ–196-san, 19.06.2023-j.) qabıl etildi
Qararǵa kóre, xalıqtıń ruhıy salamatlıǵın qorǵaw xızmetin túpten jetilistiriw maqsetinde, sonıń ishinde:
▫️qánigelestirilgen psixiatriya hám narkologiya járdemin kórsetiwdiń birden-bir vertikal basqarıw sisteması engiziledi;
▫️birlemshi buwın medicina mákemelerine ruhıy salamatlıqtı qorǵaw xızmetleri integraciya etiledi;
▫️ruhıy jaǵdayı buzılǵan shaxslar dárilik zatları menen ıqtıyajǵa kóre tolıq támiyinlenedi;
▫️xalıq, ásirese, balalar hám óspirim jaslardıń ruhıy salamatlıǵı bekkemlenedi.
2023-jıl 1-iyulden Respublika qánigelestirilgen narkologiya ilimiy-ámeliy medicina orayı Respublika qánigelestirilgen ruhıy salamatlıq ilimiy-ámeliy medicina orayına aylandırıladı.
2023-jıl 1-avgusttan tómendegiler engiziledi:
rayon (qala) kóp tarmaqlı oraylıq poliklinikalarında – medicinalıq psixolog;
stacionar orınǵa iye bolmaǵan ruhıy-nerv kesellikleri dispanserleri hám quramında dispanser bar bolǵan ruhıy nawqaslar emlewxanalarında – suicidolog;
stacionar orınǵa iye bolǵan ruhıy-nerv kesellikleri dispanserleri hám ruhıy nawqaslar emlewxanalarında – qabıllaw bólimi shıpakeri, náwbetshi psixiatr, medicinalıq psixolog yaki psixoterapevt shtatları.
❕2023/2024-oqıw jılınan “Psixiatriya”, “Medicinalıq psixologiya” hám “Narkologiya” klinik ordinatura hám magistratura qánigeliklerine qabıllaw tek mámleketlik grantı tiykarında ulıwma qabıllaw parametrleri sheńberinde ámelge asırıladı.
2023-jıl 1-iyulden rayon (qala) kóp tarmaqlı oraylıq poliklinikalarındaǵı psixiatr hámde psixiatriyalıq emlew mákemelerindegi psixiatr, medicinalıq psixolog, psixoterapevt hámde suicidologlardıń lawazımı aylıǵına ústeme muǵdarı 25 procentten 50 procentke asırıladı.