Янгиликлар
20
#Konstituciyanı_úyrenemiz
Konstituciyanıń 16-statyasında “Usı Konstituciyanıń hesh bir qaǵıydası Ózbekstan Respublikasınıń huqıq hám máplerine, usı Konstituciyanıń birinshi bóliminde názerde tutılǵan tiykarǵı princip hám normalarına qayshı keletuǵın tárizde túsindiriliwi múmkin emes.
Ózbekstan Respublikasınıń Konstituciyası tiykarında hám onı orınlaw boyınsha Ózbekstan Respublikasınıń nızamları hám basqa normativlik-huqıqıy aktleri qabıl etiledi. Birde bir nızam yamasa basqa da normativlik-huqıqıy akt Konstituciyanıń princip hám normalarına qayshı keliwi múmkin emes”, dep belgilengen (https://lex.uz/docs/6445145#6445249).
Konstituciyanıń birinshi bóliminde belgilengen tiykarǵı principler, Ózbekstan siyasiy –huqıqıy sistemasınıń tiykarǵı ústinleri sıpatında kórinedi.
Soǵan kóre, usı statyada Konstituciyadaǵı basqa normalar mámleket máplerine zıyan keltirmewi qatań belgilengen.
Sonday-aq, nızamlar, Oliy Majlis palataları qararları, Prezident párman hám qararları, Ministrler Kabineti qararları, ministrlik, komitetler hám keńseler buyrıqları hámde qararları, sonday-aq jergilikli mámleketlik hákimiyatı uyımları qararları tek Konstituciyaǵa tiykar qabıl etiliwi kerek, olarda Konstituciyaǵa qayshı hesh bir norma bolıwı múmkin emes.
Video: https://www.youtube.com/watch?v=fkHPzYXPbtk