Янгиликлар
20
Shańaraq institutınıń Konstituciyada bekkemleniwi
Kóp ǵana halıq aralıq hújjetlerde bekitilgen qaǵıydalarǵa muwapıq, shańaraq, analıq, balalıq jámiyet hám mámleket tárepinen qorǵalıw hukıqına iye. Ózbekstan Respublikası da bul konvenciyalarǵa qosılıp, usı qaǵıydalardı óz nızamshılıǵına kirgizgen.
Atap aytqanda, ámeldegi Ózbektsan Respublikası Konstituciyasınıń 63-stat'yasına muwapıq: «Shańaraq jámiyettiń tiyǵarǵı buwını bolıp esaplanadı hám jámiyet jáne mámleket qorǵawında bolıw huqıqına iye» ekenligi al, 65-stat'yasında analıq hám balalıq mámleket tárepinen qorǵalıwı atap ótilgen. Shańaraqtı qorǵaw, balalar hám óspirimler ómirin saqlaw, olardıń fizikalıq rawajlanıwı hám qáliplesiwi ushın qolay shárt-sharayatlar jaratıw mámlekettiń hám pútkil jámiyet isi bolıp esaplanadı. Nızam shıǵarıwshı usı tarawdıń áhmiyetliligin esapqa alıp, Jańa Ózbekstannıń jańalanıp atırǵan Konstituciyasında bul normalar jánede jetilistirilip Konstituciyanıń 63-stat'yası jańa muzmunda yaǵnıy, shańaraq jámiyettiń tábiyiy hám tiykarǵı buwını, halıqtı saqlap qalıw hám de kóbeytiw negizinde jámiyet hám mámlekettiń ayırıqshı qorǵawı astında bolıwı, neke hayal hám er adamnıń ıqtıyarıy razılıǵına hám teń huqıqlıǵına tiykarlanıwı, mámleket shańaraqtıń tolıq rawajlanıwı ushın zárúr bolǵan sociallıq hám ekonomikalıq shárt-sharayatlardı jaratıwı, sonday-aq, mámleket kóp balalı shańaraqlarǵa nızamǵa muwapıq jeńillikler hám sociallıq kepillikler beriliwin támiyinlewi belgilenbekte. Konstituciyanıń 65-stat'yası bolsa, balanıń mápleri, balalardıń tolıq fizikalıq, ruhıy hám mádeniy rawajlanıwı ushın barlıq shart-sharayatlardı jaratıw mámleket siyasatınıń eń áhmiyetli baǵdarı ekenligi, analıq, atalıq hám balalıq mámleket tárepinen qorǵalıwı, mámleket hám jámiyet balalarda hám de jaslarda milliy hám ulıwma insanıylıq qádiriyatlarǵa sadıqlıqtı, ullı babalarımızdıń bay mádeniy miyraslarınan maqtanıw sezimin qáliplestiriw haqqında ǵamhorlıq etiwi kórsetilmekte. Ata-ana hám balalar ortasındaǵı múnásiybetler tiykarınan mámleket Konstituciyası menen nızamlarında bekkemlengen ádep-ikramlıq normaları menen tártipke salınadı. Mámleketimizde Tiykarǵı nızamımızdıń ámeldegi normalarınıń jetilistiriliwi insan qádriniń eń joqarı dárejesin bildiredi.
Taqıyatas rayonı PXAJ bólimi baslıǵı V. Fayzullaeva