Янгиликлар
28
#Nızamshılıqtaǵı_jańalıqlar
“Bólip alıp islewshilikti jánede rawajlandırıwǵa tiyisli qosımsha ilajlar haqqında”ǵı Prezident qararı (PQ-70-san, 23.02.2023-j.) qabıl etildi.
Qarar menen jumıs beriwshilerge ózin-ózi bánt etken shaxslardı bólip alıp islewshi retinde tartıwǵa ruxsat berildi.
Soǵan kóre, ózin-ózi bánt etken shaxslar shuǵıllanıwı múmkin bolǵan iskerlik (jumıslar, xızmetler) túrleri (19) dizimi toldırıldı. 2023-jıl 1-marttan 2026-jıl 1-yanvarǵa shekem 3 aydan kóp 30 dan artıq bólip alıp islewshilerdi tartqan hám ol tiykarında islep shıǵarǵan ónimlerden alǵan dáramatı jámi tabısınıń 60 procentinen kóbin quraǵan isbilermenler ushın:
-payda hám aylanbadan alınatuǵın salıqtıń salıq bazası 50 procentke kemeytirilip esaplanadı;
-ayırım mámleketlik múlklerinen paydalanǵanlıǵı ushın ijara tólewi 50 procent muǵdarda belgilenedi;
-mamleketlik satıp alıwları sheńberinde dúziletuǵın shártnamalarda buyırtpashılar tárepinen 50 procent aldınnan tólew ámelge asırıladı.
“Usta -shákirt” mektepler oqıwshıları social salıqtı ózin-ózi bánt etken shaxslar ushın belgilengen tártipte tóleydi.
❕Kem támiyinlengen shańaraqlarǵa balalar aqshası hám materiallıq járdem beriwde olardıń bólip alıp islewshilik yamasa awıl xojalıǵına máwsimlik tartılǵan 6 ayǵa shekem bolǵan dáwirde alǵan dáramatları inabatqa alınbaydı.
Qararǵa kóre, Bólip alıp islewshilikti qollap-quwatlaw fondı shólkemlestirilip, 2023-jıl 1-marttan Fond esabınan:
isbilermenlerge hár bir bólip alıp islewshiniń dáslepki 3 ay dawamındaǵı iskerligi ushın 1 aylıq dáramatı muǵdarında bir martelik subsidiya ajratıladı;
isbilermenlerge tómendegi subsidiyalar ajratıladı:
▫️2025-jıl 1-yanvarǵa shekem bólip alıp islewshilik penen shuǵıllanap atırǵan jumıssız hám jumıs izlep atırǵan, social dápterlerge kirgizilgen puqaralarǵa ásbap-úskeneler hám shiyki zat satıp alıw ushın BEMnıń 30 esesine shekem;
▫️bolip alıp islew tiykarında úyde islep atırǵan mayıplardıń jumıs ornın maslastırıw ushın BEMnıń 40 esesine shekem;
▫️bólip alıp islewshini kásip-ónerge oqıtıw ushın BEMnıń 2 esesine shekem.
Hákim járdemshileri usınısı tiykarında isbilermenlerge aylanba qárejetlerin toltırıw ushın:
▫️har bir bólip alıp islewshi ushın 2 mln sumga shekem, jámi 300 mln sumga shekem jıllıq 14 procent, 6 ayǵa shekem jeńillikli dáwir menen 3 jılǵa shekem kredit ajratıladı;
▫️Fond esabınan hár bir bólip alıp islewshi ushın 1 mln sumǵa shekem, jámi 150 mln sumǵa shekem 2 jılǵa shekem múddetke protcentsiz ssuda ajıratıladı.
2023-jıl 1-iyunǵa shekem mámleketlik úlesi bolǵan sawda kompleksleri hám diyqan bazarlarında ónermentshilik hám bólip alıp islewshilik sawda qatarlarıları shólkemlestiriledi.
Mámleketlik xızmetleri orayı hám PHAJ organları
jumısların muwapıqlastırıw bólimi bas másláhátshisi E.Sabırova