Янгиликлар
01
Nızamshılqtaǵı jańalıqlar
❕Óz waqtında alınbaǵan pensiyanı tólew múddeti uzaytıladı
Prezident pármanı menen 2022-2026 jıllarǵa mólsherlengen Jańa Ózbekstannıń rawajlanıw strategiyasın «Insanǵa itibar hám sapalı bilimlendiriw jılı»nda ámelge asırıwǵa tiyisli mámleket dástúri tastıyqlandı
Mámleket dástúrine kóre, 2023-jıl 1-iyuldan:
-bárshe mámleket organları hám shólkemlerde «Xalıq hám isbilermenlerge servis sapasın asırıw» ilajları belgilendi;
- MXO arqalı kórsetiletuǵın mámleketlik xızmetleri sanı 300 ge, BIMXP (my.gov.uz) arqalı kórsetiletuǵın xızmetler sanı bolsa 570 ke jetkeriledi;
- xalıqtıń sociallıq qorǵawǵa mútáj qatlamları (mayıplıǵı bolǵan shaxslar, awır nawqaslar, kekseler hám basqalar)ǵa migraciya hám puqaralıqtı rásmiylestiriw tarawındaǵı mámleketlik xızmetleri turaqlı jasaw yaki waqtınsha turatuǵın ornına shıǵıw arqalı kórsetilgen xızmet ushın qosımsha tólew óndirilmeydi;
- elektr, gaz hám suw sarıplanıwı esaplaǵıshların salıstırıwdan ótkeriw boyınsha mámleketlik xızmetleri proaktiv tárizde (puqara múrájatın kútpesten, xızmet kórsetiwshi shólkemniń óz baslaması menen) kórsetiledi.
2023-jıl 1-sentyabrden xalıq hám isbilermenlerge subsidiya ajıratıw menen baylanıslı bárshe xızmetler basqıshpa-basqısh “Xalıq hám isbilermenlik subektlarine subsidiya ajıratıwdıń birden-bir elektron platforma”sına ótkeriledi.
2024-jıl 1-yanvardan pensionerge esaplanǵan, leykin óz waqtında alınbaǵan pensiyanı tólew múddeti 12 aydan 24 ayǵa uzaytıladı.
2023-jıl 1-aprelden mayıplıq keńseleraralıq elektron maǵlıwmat almasıwı tiykarında mayıplıq belgileri anıq kórinip turǵan, anatomiyalıq kemshilikleri bolǵan, sonday-aq, unamsız klinikalıq prognozǵa iye kesellikler hám qaldıq belgilerde puqaralardıń qatnasıwısız belgilenedi.
Dástúrge kóre, 2023-jılda:
- “Jańa Ózbekstan” massivleri hám 161 basqa massivlerde jańa úy-jaylar qurıwdıń jıllıq kólemleri 90 mınǵa jetkeriledi;
- xalıqtı bazar principleri tiykarında ipoteka kreditleri arqalı múlk huqıqı tiykarında Tashkent wálayatında tájiriybe-sınaw retinde “Meniń birinshi úyim” dástúri islep shıǵılıp, ámelge asırıladı.
Insan resursları bólimi baslıǵı Abatov Amangeldi Paraxatovich