Янгиликлар
28
Xojeli rayonı ádillik bólimi PHAJ bólimi iskerligi
Puqaralıq halatı aktlerin jazıw mekemeleri-puqaralardıń ómirindegi áhmiyetli waqıya hám faktlerdi dizimge alıw wákilligine iye bolǵan mámleketlik organ bolıp esaplanadı.
Búgingi kúnde Ózbekstan Respublikası Ádillik ministrligi sistemasındaǵı PHAJ bólimlerine kóplegen wazıypalar júkletilgen. Bunda puqaralardıń tuwılıwı, nekelerdi dizimge alıw, nekeden ajırasqanlıq hámde ólim dizimge alınadı.
Ózbekstan Respublikası Ministrler Kabinetiniń 2016-jıl 14-noyabr kúngi 387-sanlı «Puqaralıq halatı aktlerin dizimnen ótkeriw haqqında»ǵı qaǵıydanıń 114-bántinde ólimdi dizimge alıw haqqındaǵı arzanı beriw múddeti 3 kúnnen keshiktirmey beriliw kerek dep kórsetilgen.
Biraqta ayırım puqaralarımızdıń hújjetlerge itibarsızlıǵı sebepli ólimdi óz waqtında dizimnen ótkeriw ushın usınbaǵanlıǵı aqıbetinde bir qatar mashqalalardı keltirip shıǵarmaqta.
2023 jıl basınan búgingi kúnge shekem 23 puqaranıń múrájatları úyrenilip shıǵılǵanda olarǵa huqıqıy-ámeliy járdemler berilip marhum puqaralardıń ólimi tiyisli tártipte dizimge alınıp ólim guwalıqları berildi.
Xojeli rayonı PHAJ
bólimi inspektorı Z.Mambetsharipova