Янгиликлар
27
«Biz ózimiz keldik» atamasında kóshpeli xızmetler.
Ádillik tarawında «Biz ózimiz keldik» atamasında orınlarda kóshpeli mámleketlik xızmetler kórsetiw boyınsha joybardıń ámelge asırılıp atırǵanı xalıqqa qosımsha imkaniyat hám jeńillikler jaratpaqta.
Nókis qalası ádillik bólimi Mámleketlik xızmetler orayı tárepinen «Biz ózimiz keldik» atamasındaǵı joybarı sheńberinde puqaralardıń qımbatlı waqtın, qárejetin únemlew, sonday aq, Mobile-ID sistemasın xalıqqa túsindiriw maqsetinde Nókis qalası aymaǵınan alıs aymaqta jaylasqan máhálle puqaralar jıyınlarında hám mekeme shólkemlerge barǵan halda kóshpeli mámleketlik xızmetler kórsetilip kelinbekte.
Atap aytqanda, Amudarya MPJ, Darya boyı koshesi 3-jayda jasawshı R.Kamalova isbilermenlik penen shuǵıllanbaqshı ekenligin, biraq orayǵa keliw imkaniyatı joqlıǵın bildirip múrájet etip, sol kúnniń ózinde oray xızmetkeri tárepinen kóshpeli tarizde jeke tártiptegi isbilermen sıpatında mámleketlik dizimnen ótkerildi. Jańa bazar MPJ, Temir jolshılar kóshesi 30-jay turǵını T.Madreimova PXAJ arxiv maǵlıwmatların alıw boyınsha múrájaatı kóshpeli túrde qabıllandı. Sonday aq, U.Xalmuratov atındaǵı Respublika kóp tarmaqlı medicina orayındaǵı shıpakerler hám medicina xızmetkerlerine jámi 40tan aslam kóshpeli xızmetler kórsetilip, mobil telefon nomeri arqalı identifikaciyalawshı Mobile-ID sistemasınanda dizimnen ótkerildi.
Sonın menen birge orayda jaylasqan xızmet telefonı arqalı imkaniyatı sheklengen puqaralardıń da múrájaatları qabıllanıp, imkaniyat dárejesinde kóshpeli mámleketlik xızmetler korsetilip kelinbekte.
Eń áqimiyetlisi, awır nawqaslıǵı sebep mámleketlik xızmetler orayına keliw imkaniyatı bolmaǵan hám imkaniyatı sheklengen puqaralardıda itibardan shette qaldırmaw, olarǵa qolaylıqlar jaratıw hám olardıń awırın jeńil etiw maqsetinde ótkerilgen bunday ilajlardan xalqımızdıń kewli tolmaqta desek asra aytqan bolmaymız.
Nókis qalası ádillik bólimi
mámleketlik xızmetler orayı
bólim baslıǵı Q.Ospanova