Янгиликлар
17
Múddeti ótip tuwılǵanlıqtı dizimge alıw tártibi
Múddeti ótip tuwılǵanlıqtı dizimge alıw tártibi
Balanıń tuwılǵanlıǵın dizimge alıw majbúriy bolıp, puqaralardıń turaqlı yaki waqtınsha jasaw esapta turǵan jerine qaramastan PHAJ organı tárepinen ámelge asırılıwı lazım.
Belgilengen múddet ótip ketkenligi tuwılǵanlıqtı dizimge alıwǵa tosqınlıq bolmaydı.
Bunda on altı jasqa shekem bolǵan balanıń tuwılǵanlıǵın dizimge alıw ushın PHAJ bólimine tuwılǵanlıqtı dizimge alıw múddetin ótkerip jibergen sebebin kórsetilgen arza balanıń ata anası tárepinen beriledi, ata anasınıń nızamlı nekesi bolǵan jaǵdayda olardan birewi yaki isenim xat arqalı basqa mápdar shaxslarǵa, ata-analardıń ornın basıwshı shaxs yaki qáwenderlik hám ámengerlik organlarınıń juwaplı xızmetkerleri tarepinen beriliwi múmkin.
Bunday jaǵdaylarda PHAJ bólimi tuwılǵanlıq faktın tastıyqlawshı hújjetke qosımsha nızamshılıqta belgilengen tártipte basqa da hujjetlerdi talap etedi.
On altı jastan asqan medicina birlespesinen tısqari hámde medicina járdemisiz tuwılǵan balaǵa medicina birlespesi tárepinen tuwılǵanlıq haqqında maǵlıwmatnama rásmiylestirilmegen shaxslardıń tuwılǵanlıǵın dizimge alıw sudtıń qararına tiykar ámelge asırıladı.
Eger on altı jasqa tolǵan yaki onnanda úlken balaǵa tuwılǵanlıq haqqında medicina birlespesi tárepinen tuwılǵanlıq haqqında medicinaliq maǵlıwmatnama rasmiylestirilgen bolsa onıń tuwılıwı ata-anasınıń hámde balanıń óziniń arzasına tiykar dizimge alınadı.
Múddeti ótip tuwılǵanlıqtı belgilewde medicina birlespesiniń medicinalıq maǵlıwmatı, ata-anasınıń shaxsın tastıyqlawshı hújjetleri, neke dúzilgenligi haqqında gúwalıq yaki nekede bolmaǵan ata-ananıń arzası usınıladı.
A. Sagindikova Taxtakópir rayonı PHAJ bólimi baslıǵı