Янгиликлар

PHAJ bóliminde eksterritorial xızmet kársetiw

          PHAJ organlarınıń wazıypası puqaralıq halatları aktlerin dizimge alıw jolı menen puqaralarǵa huqıqıy xızmet kórsetiw bolıp esaplanadı. PHAJ organları ózlerine júkletilgen wazıypaǵa muwapıq tómendegi xızmetlerdi puqaralarǵa kórsetedi:

Tuwılǵanliqtı dizimge alıw,neke dúzilgenligi, nekeden ajırasqanlıqtı hám qaytıs bolǵan puqaralardıń ólimin dizimnen ótkeredi. Sonıń menen bir qatarda puqaralıq halatı akt jazıwlarına ózgeris, dúzetiw hám qosımshalar kiritiw, puqaralarǵa puqaralıq halatı akt jazıwların dizimge alınǵanlıǵı haqqında guwalıqlar, zárúr jaǵdaylarda tákrarıy guwalıqlar beriw, sonday aq atalıqtı belgilew, perzentlikke alıw , familiya, ismi hám akesınıń ismin ózgertilgenligi haqqında guwalıqlar beredi.

Puqaralarǵa jánede qolaylıqlar jaratıw maqsetinde orınlarǵa barǵan halda kóshpeli xızmetler, sayyar qabıllar ótkerilip tuwılǵanlıq, neke guwalıqları tapsırıladı. Bunnan basqada Ózbekstan Respublikası Minisrtler Kabinetiniń 10.11.2020 jıldaǵı 704 sanlı “Tuwılǵanlıqtı dizimge alıw menen baylanıslı kompleks mámleketlik xızmetlerdi kórsetiwdiń hákimshilik Reglamenti” boyınsha tuwılǵanlıqtı dizimge alıw menen bir qatarda balanı ata-anasınıń jasaw ornı boyınsha dizimge qoyıw, aymaqlıq medicina birlespesine dizimge qoyıw, mektepke shekemgi bilimlendiriw mekemesine náwbetke qoyıw, bir mártelik napaqa pulın beriw boyınsha kompleks xizmetlerdi bir waqıttıń ózinde ámelge asıradı.

Ózbekstan Respublikası Prezidentiniń 23.03.2021-jıl 6191-sanlı Pármanına asas puqaralar turaqlı yaki waqtınsha jasaw ornina qaramastan puqaralıq halatı aktlerin eksterritorial principi tiykarında qálegen jerden ámelge asırıwı múmkin.

Nókis rayon PHAJ bólimi inspektorı   

G.Otepova