Янгиликлар
13
Pensiya tayınlaw boyınsha jańa tártip tastıyıqlandı
Ózbekstan Respublikası Ministrler Kabinetiniń 13.10.2022-jıldaǵı «Mámleket pensiyalardı tayınlaw hám tólew tártibi haqqındaǵı Qaǵıydanı tastıyıqlaw haqqında»gı 592-sanlı qararı qabıl etilip, bul qarar menen tarawǵa tiyisli atamalar keńeytirilip, olarǵa anıqlıq kiritilmekte.
Usı qaǵıyda mámleket pensiya tayınlaw, pensiya jeńilliklerin qollaw, qayta esaplaw, tiklew, tólew, pensiyadan shegirme qılıw, puqaralardıń pensiya hám basqa tólemler menen támiyinlewge baylanıslı máselelerdi sheshiw tártibin belgileydi.
Jańa tártipke kóre: mákeme yaki shólkem administraciyası tóplanǵan barlıq hújjetler tiykarında pensiya tayınlaw ushın usınısnama rásmiylestiredi hám Birden-bir milliy miynet sisteması mákemeler ara dástúrli-apparat kompleksi arqalı pensionerdiń jasaw jayı boyınsha Byudjetten tısqarı Pensiya qorı bólimine jiberedi.
Puqaraǵa pensiya tayınlawda onıń is stajı hám aylıq is haqısı haqqındaǵı maǵlıwmatlar informaciya sistemalarında bar bolǵan jaǵdayda puqaradan qosımsha hújjetler talap etpesten informaciya sistemalarındaǵı bar bolǵan maǵlıwmatlar tiykarında pensiyalar tayınlanadı hám esaplab shıǵıladı.
Pensiya tayınlawdı sorap murajaat etken shaxs zárúr hújjetlerdi usınbaǵan jaǵdayda, Pensiya qorı bólimi usı hújjetlerdi, yaǵnıy, arxiv yamasa mákeme hám shólkemlerge sorawnamalar jiberiw boyınsha ámeliy járdem beredi. Arzaǵa barlıq zárúr hújjetler qosımsha etilmegen jaǵdaylarda Pensiya qorı bólimi qosımsha jáne basqada qanday hújjetler usınılıwıs kerekligi boyınsha arza iysine 5 kúnlik múddette jazba túrde yamasa arza beriwshiniń mobil telefon nomerine «SMS» xabarnama jibergen halda xabar beriliwi engizilmekte.
Endigiden bılay Pensiya qorı bólimi tárepinen shaxsqa yamasa mákeme, shólkem administraciyasına pensiya tayınlaw (qayta esaplaw ) máseleleri boyınsha túsindiriwler hám de maǵlıwmatlar berip barıladı. Mayıplıǵı bolǵan balanı óz qaramaǵına alǵan shańaraq aǵzasınıń usı mayıplıǵı bolǵan balaǵa qaraǵan waqtı onıń is stajı sıpatıda esapqa alınadı.
Pensiya tayınaw (qayta esaplaw) ushın zárúr bolǵan maǵlıwmatlar jamg'arib barılatuǵın pensiya sistemasınan, Pensiya qna ótkerilgen qamsızlandırıw badalların jeke tártipte esapqa alıwdıń oraylasqan elektron reestrinen hám puqaralar is haqısınıń jeke tártiptdegi esabın júrgiziwdiń oraylasqan elektron reestrinen, Birden-bir milliy miynet sisteması keńseleraro dástúrli-apparat kompleksi hám basqa ministrlik mákemelerdıń informaciya sistemalarınan alınǵanında Pensiya qorı bólimi pensiya tayınlaw ushın bar bolǵan maǵlıwmatlardı tekseriw haqqında qarar qabıllawǵa jol qoyılmaydı. Elektron miynet dáptershesi de is stajın tastıyıqlaytuǵın tiykarǵı hújjet retinde esapqa alınadı.
Pensioner qaytıs bolıwı múnasábeti menen alınbay qalǵan pensiya pulı kórsetip ótilgen shańaraq aǵzalarına qaytıs bolǵan ay ushın tolıq muǵdarda tólenedi hám de pensionerdiń qaytıs bolǵan ayında onıń bank plastik kartasına kiris qılınǵan qárejetler Pensiya qorına qaytarılmaydı.
Puqaranıń qálewi menen pensiyalar turaqlı jasaw yamasa waqtınsha turǵan jayı boyınsha tayınlanadı hám tólenedi. Pensiya, napaqa hám basqa tólemler tóleniwi tiyis bolǵan aydıń birinshi sánesi uzaq múddetli dem alıs yamasa bayram kúnlerine tuwrı kelgeninde Qarjı ministrliginiń qararına tiykar aldınǵı ay juwmaǵına shekem aldın pensiyasın, napaqa hám basqa tólemlerdiń tólew dizimge alıwların qáliplestiriw huqıqı beriledi.
Taxtakópir rayonı Yuridikalıq xızmet
kórsetiw orayınıń bas yuriskonsultı
Shaxanov Dauletbay Azatullaevich