Янгиликлар
13
Bozataw rayonı ádillik bólimi Mámleketlik xızmetler orayı tárepinen 2023-jıl I-sheregi dawamında ámelge asırılǵan isler boyınsha MAǴLIWMAT
Búgingi kúnde Mámleketlik xızmetler orayları tárepinen kórsetiletuǵın mámleketlik xızmetlerdiń sanı 200 dan astı.
Atap aytqanda Bozataw rayonı ádillik bólimi mámleketlik xızmetler orayı tárepinen 2023-jıl I-sheregi dawamında oraymız tárepinen fizikalıq hám yuridikalıq shaxslarǵa 2 556 mámleketlik xızmetler kórsetilip, sonnan 411 xızmetlerdi puqaralar, orayǵa múrájat etpesten onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı ámelge asırılǵan.Sonday-aq rayon orayınan alıs aymaqlarǵa shıǵıw arqalı puqaralardıń waqıtların tejew hámde olardıń uzaǵın jaqın qılıw, sonıń menen birge imkaniyatı sheklengen puqaralarǵa qolaylıqlar jaratıw maqsetinde oray xızmetkerleri tárepinen orınlarǵa barǵan halda kóshpeli xızmetler ámelge asırılıp kelinbekte, bulardıń nátiyjesinde 2023-jıl I-sheregi dawamında puqaralarǵa 498 kóshpeli mámleketlik xızmetler kórsetildi.
Sonıń menen birge 80 isbilermenlik sub'ektleri jańadan mámleketlik dizimnen ótkerildi. Sonnan 27 yuridikalıq, 53 fizikalıq shaxslar dizimnen ótkerilgen.
Oray tárepinen 2023-jıl I-sheregi dawamında fizikalıq háм yuridikalıq shaxslarǵa jámi 368 elektron sanlı imzalar alıp berilgen.
Ǵalaba-xabar quralları arqalı huquqıy úgit-násiyat jumısların alıp barıw boyınsha oray xızmetkerleri tárepinen 16 márte huquqıy úgit-násiyat jumısları ámelge asırılǵan. Atap aytqanda televidenide 1 márte, radioda 2 márte,Gazaetada 1 márte,VEB sayt hám basqada sociallıq tarmaqlarda 12 márte shıǵıwlardı ámelge asırǵan.
Shaxstı Mobil-ID sisteması járdeminde identifikatsiyalaw puqaranıń qәlewine kóre mámleketlik xızmetler orayı yamasa notarial mákemeleri tәrepinen yaki Birden-bir interaktiv mámleketlik xızmetler portalı arqalı ámelge asırıladı.
Mobil-ID sisteması bul - elektron sanlı imzanı qollanbaǵan halda barlıq túrdegi kompyuter hám mobil qurılmalar arqalı mámleketlik xızmetlerinen paydalanıw imkániyatı.
Bunday imkániyatlardan yaǵnıy Mobil ID sisteması járdeminde eletron imza talap etilmesten, barlıq túrdegi kompyuter hám mobil qurılmalar arqalı mámleketlik xızmetlerden paydalanıwǵa shaqırıp qalamız.
Bozataw rayonı ádillik bólimi
Mámleketlik xızmetler orayı direktorı M.Xudaybergenov