Янгиликлар
10
Kegeyli rayonı Mámleketlik xızmetler orayı tárepinen ámelge asırılǵan jumıslar
Kegeyli rayonı Mámleketlik xızmetler orayı tárepinen fizikalıq hám yuridikalıq shaxslarǵa 2023-jıl I-sheregi dawamında jámi 10 409 mámleketlik xızmetler kórsetilip, sonnan 1 231 xızmetlerdi puqaralar, orayǵa múrájat etpesten onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı ámelge asırılǵan.
Sonıń menen birge 251 isbilermenlik subekti sıpatında mámleketlik dizimge alınıp, sonnan 71 yuridikalıq shaxs bolǵan isbilermenlik subektleri bolsa, 180 jeke tártiptegi isbilermenler sıpatında mámleketlik dizimge alındı.
Bul kórsetkishtiń bárshesi oray imáratınıń ózinde ǵana emes, oray xızmetkerleri alıs hám shetki aymaqlarǵa shıqqan halda, ótken jil dawamında 1 400 ǵe jaqın (sonnan 100ge jaqın mayıplıǵı bolǵan, nawqaslıǵı sebepli orayǵa keliw imkaniyatı bolmaǵan) puqaralarǵa kóshpeli mámleketlik xızmetler kórsetildi.
Búgingi kúnde Mámleketlik xızmetler orayları tárepinen kórsetiletuǵın mámleketlik xızmetlerdiń sanı 200 den aslam bolıp, bul mámleketlik xızmetlerdiń bárshesinen orayǵa kelmesten, aralıqtan turıp internet tarmaǵı arqalı onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı paydalanıwıńız múmkin. Bunda Siziń qımbatlı waqtıńız, finanslıq qárejetlerińiz hámde artıqsha áweregershilikler de bolmaydı, sonday-aq, mámleketlik xızmetten paydalanıwıńız ushın tólemińiz 10 payızǵa shegirme beriledi.
Bumıń ushın eń aldi menen mámleketlik xızmetlerinen paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sistemasınan dizimnen ótiwi tiyis.
Shaxstı Mobil-ID sisteması járdeminde identifikatsiyalaw puqaranıń qәlewine kóre mámleketlik xızmetler orayı yamasa notarial mákemeleri tәrepinen yaki Birden-bir interaktiv mámleketlik xızmetler portalı arqalı ámelge asırıladı.
Mobil-ID sisteması bul - elektron sanlı imzanı qollanbaǵan halda barlıq túrdegi kompyuter hám mobil qurılmalar arqalı mámleketlik xızmetlerinen paydalanıw imkániyatı.
Bunday imkániyatlardan yaǵnıy Mobil ID sisteması járdeminde eletron imza talap etilmesten, barlıq túrdegi kompyuter hám mobil qurılmalar arqalı mámleketlik xızmetlerden paydalanıwǵa shaqırıp qalamız.
Kegeyli rayonı ádillik bólimi
Mámleketlik xızmetler orayı bólim baslıǵı S.Otegenov