Янгиликлар
16
Ózbekstan Respublikası Prezidentiniń 2022-jıl 21-dekabr kúngi “Jańa Ózbekstan hákimshilik reformaların ámelge asırıw is-ilájları haqqında”ǵı PF-269 sanlı Pármanı boyınsha
Jańa Ózbekstan sharayatında zamanagóy talaplarǵa juwap beretuǵın ıqsham mámleket basqarıwı sistemasın jaratıw, qarar qabıl etiw hám máseleni kórip shıǵıw processlerin ápiwayılastırıw arqalı mámleket uyımları basshılarınıń juwapkershiligin asırıw hámde olar iskerligin nátiyjeli baǵdarlaw, sonday-aq, Jańa Ózbekstan hákimshilik reformalar dástúri orınlanıwın támiynlew maqsetinde:
2023-jıl 1-yanvardan baslap Ózbekstan Respublikası Ministrler Kabineti aǵzası bolǵan atqarıwshı hákimiyat uyımları basshılarınıń Ministrler Kabinetiniń quramlı dúzilmelerinen ǵárezsiz ráwishte Bas wázir menen tuwrıdan-tuwrı islew sisteması engizildi.
Sońǵı jıllarda mámleket uyımları iskerligine zamanagóy basqarıw principlerin engiziw esabınan byurokratiyalıq tosıqlardı qısqartıw hám xalıqqa mámleket xızmetlerin kórsetiw sistemasın jaqsılaw maqsetinde 30 ǵa jaqın túrdegi licenziya hám ruxsatnamalar biykar etildi, 70 ten zıyat mámleketlik xızmetleri ápiwayılastırıldı, mámleket shólkemleri tárepinen 60 tan artıq hújjetlerdi talap etiw biykar etildi.
Sonday-aq, “Elektron húkimet” sistemasınıń paydalanıwshıları sanı 4 millionnan asıp, ol arqalı mámleketlik mekemelerdiń 130 dan artıq xabar resurslarınan paydalanıw imkaniyatları jaratıldı. Birden-bir interaktiv mámleketlik xızmetler portalında derlik 350 túrdegi xızmetler onlayn formada kórsetiliwi jolǵa qoyıldı.
Ózbekstan Respublikası Prezidenti janındaǵı Strategik reformalar agentligi keńesiniń Jańa Ózbekstan hákimshilik reformalarınıń birinshi basqıshı sheńberinde 2023-jıl 1-yanvardan baslap ǵárezsiz iskerlik júritiwshi respublika atqarıwshı hákimiyat uyımlarınıń sanın 61 den 28 ge shekem, sonnan ministrlikler sanın 25 ten 21 ge shekem qısqartıw boyınsha usınısı maqullandı.
Usı Párman sheńberinde shtat birliklerin optimizaciyalaw nátiyjesinde bosaytuǵın qárejetler sociyallıq máselelerdi sheshiwge jóneltiriledi.
2023-jıl 1-yanvardan baslap respublika atqarıwshı hakimiyat uyımlarınıń nátiyjeli jumıs iskerligin jolǵa qoyıw ushın juwapkershiligin jánede asırıw maqsetinde:
Ózbekstan Respublikası Prezidenti tárepinen hár bir respublika atqarıwshı hákimiyat uyımınıń jıl dawamında erisiwi zárúr boǵan maqsetli kórsetkishleri (indikatorları) belgilenedi;
respublika atqarıwshı hákimiyat uyımı basshısı hár jıl basında óziniń orınbasarları kesiminde belgilengen maqsetli kórsetkishlerge (indikatorlarǵa) erisiw boyınsha háreketler dástúrin islep shıǵıp, jámáátshilikke usınadı;
háreketler dástúrine tiykar respublika atqarıwshı hákimiyat uyımınıń aymaqlıq bólimsheleri basshıları maqsetli kórsetkishlerge (indikatorlarǵa) erisiw boyınsha aymaqlıq rawajlanıw dástúrin islep shıǵıp, jámáátshilikke usınadı;
respublika atqarıwshı hákimiyat uyımı hám onıń aymaqlıq bólimsheleri basshıları jıl juwmaǵına shekem háreketler hám aymaqlıq rawajlanıw dástúrleri ámelge asırılıwı hám maqsetli kórsetkishlerge (indikatorlarǵa) erisiw jaǵdayı júzesinen esabat beriwi hám ashıq járiyalaw ámeliyatı jolǵa qoyıldı.
Respublika atqarıwshı hákimiyat uyımı basshısı Oliy Májlis palataları, Ózbekstan Respublikası Prezidenti hámde jámáátshilik aldında tikkeley esabat beredi.
Qaraózek rayonı ádillik bólimi bas másláhátshisi A.Kervenov