Янгиликлар
13
ÓZBEKSTAN RESPUBLIKASI KONSTITUCIYASINDA SUD HÁKIMIYATI
Ózbekstan Respublikası Konstituciyasınıń XXII-babı Ózbekstan Respublikası sud hákimiyatına arnalǵan bolıp, bul 106-116 stat'yalardan ibarat 11 stat'yanı óz ishine aladı. Konstituciyada Ózbekstan Respublikasında sud hákimiyatı nızam shıǵarıwshı hám atqarıwshı hákimiyatlardan, siyasiy partiyalardan, basqa jámáát birlespelerinen ǵárezsiz jumıs alıp barıwı belgilengen.
Sonday-aq, Ózbekstan Respublikasında sud sisteması Ózbekstan Respublikası Konstituciyalıq sudı, Ózbekstan Respublikası Oliy sudı, áskeriy sudlar, Qaraqalpaqstan Respublikası sudı, walayatlar hám Tashkent qalası sudları, Qaraqalpaqstan Respublikası hákimshilik sudı, walayatlar hám Tashkent qalası hákimshilik sudları, puqaralıq isleri boyınsha rayonlarara, rayon, qala sudları, jınayat isleri boyınsha rayon, qala sudları, rayonlarara, rayon, qala ekanomikalıq sudları hám rayonlarara hákimshilik sudlarınan ibarat, dep belgilengen.
Ózbekstan Respublikası Konstituciyalıq sudı nızam shıǵarıwshı hám atqarıwshı hákimiyat hújjetleriniń Konstituciyaǵa muwapıqlıǵı haqqındaǵı islerdi kóredi.
Ózbekstan Respublikası Konstituciyalıq sudı Ózbekstan Respublikası Prezidentiniń usınısına kóre Ózbekstan Respublikası Oliy Májlisiniń Senatı tárepinen Ózbekstan Respublikası Sud'yalar joqarı keńesi usınǵan siyasat hám huqıq tarawındaǵı qániygeler arasınan, Qaraqalpaqston Respublikasınıń wákilin qosqan halda saylanadı.
Ózbekstan Respublikası Oliy sudı puqaralıq, jınayı, ekanomikalıq hám hákimshilik sud islerin júritiw tarawında sud hákimiyatınıń joqarı uyımı esaplanadı.
Ol tárepinen qabıl etilgen hújjetler qatań hám Ózbekstan Respublikasınıń barlıq aymaǵında orınlanıwı májbúriy.
Ózbekstan Respublikası Sud'yalar joqarı keńesi sud'yalar jámiyetiniń uyımı bolıp, ol Ózbekstan Respublikasında sud hákimiyatınıń ǵárezsizligi konstituciyalıq principine ámel etiliwin támiynlewge kómeklesedi.
Sud'yalar ǵárezsiz, tekǵana nızamǵa boysınadı. Sud'yalardıń ádil sudlawdı ámelge asırıw barısındaǵı iskerligine birden-bir tárizde aralasıwǵa jol qoyılmaydı hám bunday aralasıw nızamǵa muwapıq juwapkerlikke sebep boladı.
Sud'yalardıń qol qatılmaslıǵı nızam menen kepillenedi.
Sud'ya wákillik múddeti tamamlanǵanǵa shekem sud'yalıq wazıypasınan nızamda kórsetilgen tiykarlar bolǵandaǵana azat etiliwi múmkin.
Barlıq sudlarda isler ashıq kóriledi. Islerdi jabıq májlisde tıńlawǵa nızamda belgilengen jaǵdaylardaǵana jol qoyıladı.
Sud hákimiyatı shıǵarǵan hújjetler barlıq mámleket uyımları, jámáát birlespeleri, kárxanalar, mákemeler, shólkemler, lawazımlı shaxslar hám puqaralar ushın májbúriy esaplanadı.
Qaraózek rayonı ádillik bólimi
bas másláhátshisi A.Kervenov