Янгиликлар
30
Jańalanıp atırǵan Konstituciya - meniń Konstituciyam.
Konstituciyamız mámleketimizdiń Bas huqıqıy hujjeti, turmısımızdıń miyzanı bolıp tabıladi. Jámiyettiń hár bir iskerlik tarawı, insanlardıń kundelik turmısı Konstituciyamızda belgilengen normalar menen bekkem baylanıslı.
Jámiyette demokratiyalıq principler qarar tapqanlıǵınıń zárurli qásiyetlerinen biri jámiyette kóppartiyalılıq sıstemasınıń bar ekenligi menen ólshenedi. Mámleketimizde bul princip, bárinen burın, konstituciyamızda bekkemlengen. Búgingi kúnde siyasiy partıyalar konstitucıyada belgilengen huqıqlarınan paydalanǵan halda, mámleket rawajlanıwında aktiv qatnas etiwi, jámiyetti jánede rawajlandırıw ushın óz programmalıq ıdeyalarınan kelip shıǵıp, alternativ usınıslar beriwi, óz elektoratı máplerin nátiyjeli qorǵaw maydanınan jánede ǵayratkor bolıwı talap etiledi. Bul bolsa, jańa demokratiyalıq huqıqıy mámleketti qáliplestiriw hámde puqaralıq jámiyettı qarar taptırıw jolında ámelge asırılıp atırǵan keń kólemli reformalar natiyjeliligin támiyinlewge xızmet etedi.
Jańa Ózbekstan ushın insan qádiri hám xalıq mápi hámme nárseden ústin. Sol sebeplı, insan qádirin asırıw mámleketlik shólkemlerdiń Konstituciyalıq mınnetı hám tiykarǵi wazıypası bolıwı shárt. Insanniń miynetke hám munásip turmıs sharayatına, jumıssızlıqtan qorǵalıwına bolǵan huqıqlarınıń isenimli qorǵalıwın támiyinlew, qambaǵallıqtı kemeytiw-Konstituciyaliq reformalardiń zárurli maqsetı bolıp tabıladı. Insan salamatlıǵı-jámiyetttiń eń tiykarǵı baylıǵı. Turmıslıq tájiriybe sonı kórsetedi, tek salamat xalıq hám millet ǵana ullı islerge ılayıq boladı. Biz ushın insan salamatlıǵı-millet ómiriniń dawamlılıǵın támiyinlew milliy strategiyamızdıń bır bólegi bolıp esaplanadi. Bul maqsetlerge erisiw ushın, Konstituciyamızda belgilengen «Hár bir insan maman medicinalıq xızmetten paydalanıw huqıqına iye», degen ulıwma norma jetkilikli emes. Bunı keńeytirip, tuwrıdan-tuwrı qollanılatuǵın normalar menen baylanıstırıw shárt. Náwbettegi másele-insannıń jetilisiwi, jetkilikli turmıs keshiriwinde qolay hám qáwipsiz ortalıq, ekologiyanıń ornı júdá úlken áxmiyetge iye ekenlıgın biz jaksı bilemiz. Sol sebepli, Konstituciyamızda bul jóneliske tiyisli ekologiyalıq -huqıqıy normalar óz ornın tabıwı kerek.
Jańalanǵan Bas Konstituciya insan hám puqaranıń huqıq, erkinlik hám minnetlemeleri teńlik hámde teń haqlılıq tiykarında ámelge asırıladı. Sonday eken, onıń hár bir statyası insan salawatın qorǵaytuǵın, Jańa Ózbekstannıń jańa rawajlanıwın belgilep beretuǵın Konstituciya haqqındaǵı referendumda “Jańa Ózbekstannıń jańalanıp atırǵan Konstituciyası - meniń konstitucıyam” dep namıs hám maqtanısh penen qatnasaman.
Qońırat rayonı ádillik bólimi 1-sanlı
PHAJ bólimi 2-dárejeli inspektorı
Allashukirova Ayimjan Kamiljanovna