Янгиликлар
29
Jańa miynet kodeksine kiritilip atırǵan ózgerisler haqqında
2022-jıl 28-oktyabr kúni 798-sanlı nızam qabıl etildi. Bul nızam tiykarında Jańa Miynet kodeksi tastıyıqlandı. Nızamda nızam qabıl etilgennen keyin 6 aydan keyin kúshke kiriwi belgilengen.
Jańa Miynet kodeksi ámeldegi Miynet kodeksinen parıqlı ózgerisler kritilgen. Kodeks statyalari 294 statyadan 581 statyaǵa kóbeygen.
Házirgi ámeldegi Kodeksten túpten parıq qılatuǵın taza Kodekste miynet bazarındaǵı barlıq qatnasıwshılardıń huqıq hám májbúriyatları sáўlelengen. Atap aytqanda,
Xızmetkerler ushın:
Ayrım taypadaǵı xızmetkerler ushın jumısqa alardaǵı dáslepki sınaw múddeti 3 aydan 6 ayǵa shekem uzayttırıldı;
Kárxana baslıǵı, baslıq orınbasarları, bas esapshıları hám kárxananıń bólek basqarılatuǵın bólimleri baslıqları ushın 6 ayǵa shekem sınaw múddeti belgilendi;
“Xızmetkerdiń pensiya jasına jetkenligi múnásibeti menen is beriwshiniń baslaması menen miynet shártnamasın biykar etiw” tiykarı shıǵarıp taslandı;
sonday-aq jumıstan bosatıwda jazba kelisim dúziw kerekligi belgilengen.
Is beriwshiler ushın:
Miynet shártnamaları:
belgisiz múddetke;
3 jıldan kóp bolmaǵan múddetke dúziliwi múmkin.
Múddetli miynet shártnamaların dúziw múmkin bolǵan tiykarlar sezilerli dárejede keńeyttirildi;
Xızmetkerlerdiń jeke maǵlıwmatların qorǵawǵa baylanıslı normalar kiritilmekte, xızmetkerdiń shaxsına baylanıslı maǵlıwmatlar sır saqlanıwı belgilendi (FIO, maǵlıwmatı, jasaw ornı, INN, pasport, medkórikten ótken nátiyjeleri).
Dem alıs kúnin mámleketlik bayramlar (islenbeytuǵın bayram kúnleri) kúnlerine tuwrı kelgan jaǵdayda kóshiriw qaǵıydası kiritilmekte.
Nókis qalası ádillik bólimim
Yuridikalıq xızmet kórsetiw orayı
bas yuriskonsultı: Rametullaev Inayatulla