Янгиликлар
28
Alıs aymaqlarǵa kórsetilip atırǵan kóshpeli xızmetler
Shomanay rayonı ádillik bólimi mámleketlik xızmetler orayı tárepinen rayon orayınan 25 kilometr uzaqlıqta jaylasqan “Ketenler” awıl puqaralar jıyınında kóshpeli mámleketlik xızmetler shólkemlestirildi.
Bul kóshpeli xızmetlerden mazmunlı paydalanıw, mámleketlik xızmetler orayları arqalı kórsetiletuǵın xızmetlerdiń túrleri, tarawda ámelge asırılıp atırǵan reformalar, tarawǵa baylanıslı qabıl etilip atırǵan normativ-huqıqıy hújjetlerdiń mazmun-mánisi boyınsha keń túrde túsinik jumısları alıp barılıp, sonıń menen birge taraw qánigeleri qatnasında ashıq sáwbetlesiw ótkerildi.
Sáwbetlesiw dawamında xalıqqa mámleketlik xızmetlerdi kórsetiw tarawına tiyisli múrájatlar úyrenilip, huqıqıy másláhátler berildi.
Sonday-aq, Respublikamızda qabıl etilip atırǵan normativ-huqıqıy hújjetler, mámleketimizde puqaralarǵa jaratılıp atırǵan keń imkaniyatlar hámde Birden-bir interaktiv mámleketlik xızmetler portalı my.gov.uz my.gov.uz elektron sistemasınan paydalanıw imkaniyatlar bar ekenligi haqqında huqıqıy túsinikler berilip, aymaq turǵınlarına oray xızmetkerleri tárepinen 30 dan aslam kóshpeli mámleketlik xızmetler kórsetildi.
Shomanay rayonı ádillik bólimi
Mámleketlik xızmetler orayı bólim baslıǵı Akbar Orazbayev