Янгиликлар
13
Buyrıq, qarar hám de biyliklerdi E-qarar elektron sisteması arqalı qabıl etiw hám járiyalaw ámeliyatı jańa tártipte engizilmekte
Ózbekstan Respublikası Prezidentiniń 2022-jılı 21-dekabr kúni “Jańa Ózbekstan hákimshilik reformaları sheńberinde respublika atqarıwshı hákimiyat uyımları iskerligin nátiyjeli shólkemlestiriw is-ilajları haqqında”ǵı 447-sanlı qararı qabıl etildi. Usı qararǵa tiykar, respublika ham aymaqlıq atqarıwshı hákimiyat uyımları funkciyalarınıń ashıq reestri qáliplestiriledi.
Qararǵa tiykar, respublika atqarıwshı hákimiyat uyımları ham olardıń aymaqlıq bólimleri juwapkershiligin asırıw maqsetinde respublika hám jergilikli dárejedegi buwınlardıń funkcional shegaraları belgilendi.
2023-jıl 1-yanvardan baslap, respublika atqarıwshı hákimiyat uyımları hám olardıń orınbasarları bir waqttıń ózinde xojalıq basqarıw uyımlarınıń baslıǵı wazıypasın atqarıwı qadaǵan etiledi, birlespe hám basqa xojalıq birlespelerine mámleketlik hákimiyatı wákilliklerin beriw hám olardıń baslıqların Ministrler Kabineti qararları menen lawazımǵa tayınlaw ámeliyatı biykar etiledi.
Sonday-aq, barlıq respublika atqarıwshı hákimiyat uyımlarınıń derlik 5 mıń funkciyası xatlawdan ótkerilip, 500 ge jaqın tákirarlanatuǵın, óz áhmiyetin joytqan hám de ámelge asırıw mexanizmleri menen támiyinlenbegen funkciyalar anıqlanǵanlıǵın esapqa alǵan halda respublika hám aymaqlıq atqarıwshı hákimiyat uyımları funkciyalarınıń ashıq reestri qáliplestirilip, turaqlı júrgiziw ámeliyatı jolǵa qóyıladı. Funkciyalar birden-bir reestrin elektron tárzde júrgiziw imkaniyatın beretuǵın “Mámleketlik funkciyalari” avtomatlastırılǵan onlayn málimleme sisteması júritiledi.
Qararǵa tiykar, 2023-jıl 1-yanvardan baslap sınaw retinde, Ádillik ministrligi sistemasında keńselik buyrıq, qarar hám biyliklerdi “E-qarar” elektron sisteması arqalı qabıllaw hám járiyalaw ámeliyatı jolǵa qóyıladı.
Xojeli rayonı ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova