Янгиликлар
Nókis qalası ádillik bólimi tárepinen ótken 12 ay dawamında ámelge asırılǵan jumıslar
Birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2022-jıl 4-sheregi dawamında ádillik bólimi tárepinen bir qatar jumıslar ámelge asırıldı.
Atap aytqanda, Insan huqıqların qorǵaw tarawında:
Nókis qalası ádillik bólimine jámi 447 múrájatlar kelip túsken bolıp, sonnan 366 múrájátlar qanaatlantırıldı. Fiziqalıq hám yuridikalıq shaxslardıń mápin ǵozlep sudlarǵa 2 mlrd. 8 mln sum muǵdarındaǵı 267 dawa hám arzalar kirgizilip, olardıń huqıqları tikleniwi támiyinlendi.
Ádillik bólimine kelip túsken múrájatlar analizlengende eń kóp múrájatlar miynet qatnasıqları, yaǵnıy is haqı hám teńlestirilgen ústeme pulların óndirip beriw hám sociallıq qorǵaw máselelerine baylanıslı ekenligi anıqlandı.
Ádillik bólimi tárepinen ótken 12 ay dawamında tastıyıqlanǵan reje-grafik tiykarında 37 márte kóshpeli qabıllar ótkerildi, usı kóshpeli qabıllarda puqaralardan 139 múrájátlar kelip túsip, olardıń 115 únamlı sheshiliwi támiyinlendi.
Ádillik bólimi tárepinen usı jıldıń 12-ay dawamında 73 mámleketlik organ hám shólkemlerde úyreniw hámde monitoringler ótkerilip, nátiyjede ótkerilgen úyreniwler barısında jámi 22 548 dana nızambuzıwshılıq jaǵdayları anıqlandı.
Atap-aytqanda, social-ekonomikalıq tarawda 2.042, mámleketlik basqarıw sistemasın jetilistiriw tarawında 144, insan huqıqların qorǵaw jónelisinde 2.724, mámleketlik xızmetlerdi kórsetiw tarawında 17.599 hámde basqa tarawlarda 39 nızambuzıwshılıq jaǵdaylar anıqlangan.
Anıqlanǵan nızambuzıwshılıq jaǵdayların saplastırıw júzesinen bólim tárepinen 160 usınıslar kiritilip, bunıń nátiyjesinde mámleketlik shólkemlerdiń 224 hújjetler nızamǵa muwapıqlastırıldı hám 27 hújjetler biykar etilip,
31 shaxs intizamiy hám 45 shaxs hákimshilik juwapkershilikke tartıldı.
Bunnan tısqarı, kiritilgen usınıslarǵa tiykar fiziqalıq shaxslarǵa 425 mln. 944 mıń sуm muǵdarında pulları tólenip beriliwi támiyinlendi.
Yuridikalıq xızmetlerdiń jumısların muwapıqlastırıw tarawında:
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, Nókis qalası ádillik bólimi Yuridikalıq xızmet kórsetiw orayı tárepinen mǝmleketlik organlar hǝm shólkemlerge yuridikalıq xızmet kórsetip kelinbekte.
2022-jıl 12 ayı dawamında «E-huqushunos» elektron sisteması arqalı jámi 17937 (12.989 buyrıq, 4946 shártnama, 2 talapnama) hújjetler kelip túsken.
Sonnan:
16188 ne qabıl etiw maqsetke muwapıqlıǵı haqqında;
328 ne (266 buyrıq, 62 shártnama) nızamshılıqqa qayshı kelgenligi sebepli unamsız juwmaq berilgen bolsa, 1421 (1037 buyrıq, 426 shártnama) hújjet qáte-kemshiliklerdi saplastırıw ham joybarlardı qayta islew ushın qaytarılǵan.
Búgingi kún jaǵdayına 140 mámleketlik organlar hám shólkemlerge yuridikalıq xızmet kórsetilip atır.
Huqıqıy ekspertiza tarawında:
Ádillik bólimi tárepinen Nókis qalası Xalq deputatları Keńesiniń hám qala hákiminiń 6 qarar joybarları huqıqıy ekspertizadan ótkerilip, sonnan normativ túsdegi qararlardıń 4 qararlar mámleketlik esapqa alınıwı támiyinlendi.
Belgilengen talaplarǵa ámel etpey usınılǵan 2 qarar joybarı huqıqıy ekspertizadan ótkerilmey qaytarıldı hámde 2 qarardı qabıl etiwde belgilengen tártipte ámel qılınbaǵanlıǵı sebepli biykar etildi.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılları engizilmekte.
Yaǵnıy, 2022-jıl 12 ayı dawamında ádillik bólimi tárepinen jámi 2742 úgit-násiyat ilajları ámelge asırıldı.
Usınnan ǵalaba xabar quralları arqalı ótkerilgen ilajlar sanı 627 (sonnan televidenie 74, radio 87, gazeta hám jurnallar 36 hámde veb-sayt hám basqa elektron ǵalaba qurallarında 430) quraydı.
Sonday-aq, awızeki huqıqıy ilajlardıń jámi sanı 2102 (822 bayanatlar,
228 seminarlar, 1043 úyme-úy barıp ótkerilgen úgit-násiyat ilajları) úgit- násiyat ilajları ámelge asırıldı.
Nızam hújjetlerdi mámleketlik organlar hám shólkemlerge jetkeriw boyınsha:
Ádillik bólimine jámi 1149 normativ-huqıqıy hújjetler kelip túsip, Ministrler Kabineti tárepinen tastıyıqlanǵan dizim boyınsha jámi 45 mákeme hám shólkemlerge jetkerildi.
Nókis qalası ádillik
bólimi baslıǵı N.Saparniyazov