Янгиликлар
01
TERRORIZMDI QARJÍLANDÍRÍW UShÍN MÁMLEKETLIK EMES HÁM KOMMERCIYaLÍQ EMES HÁMDE DINIY ShÓLKEMLERINEN PAYDALANÍW QÁWIP-QÁTERLERIN BAHALAW NÁTIYJELERINE TIYKAR IShKI QADAǴALAWDÍ ShÓLKEMLESTIRIW ÁHMIYETI HÁM ZÁRÚRLIGI TEMASÍNDA OQÍW-SEMINARÍ BOLÍP ÓTTI
Usı jıldıń 28-fevral kúni Qaraqalpaqstan Respublikası Ádillik ministrliginde Ózbekstan Respublikası Bas prokuraturası janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarması menen birgelikte Diniy shólkemleri hám Jámiyetlik qorlar qatnasında oqíw-seminarí shólkemlestirildi.
Seminarǵa Ózbekstan Respublikası Bas prokuraturası janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarması bólim baslıǵı orınbasarı Kalmuratov Daniyar Seytmuratovich hámde Qaraqalpaqstan Respublikası Ádillik ministrligi mámleketlik emes kommerciyalıq emes shólkemler bólimi baslıǵı Bekjanov Azat Barlıqbaevichlar qatnasıtı.
Oqıw seminarı dawamında jınayıy iskerlikten alınǵan dármatlardı legallastırıwǵa, terrorizmdi qarjılandırıwǵa hám ǵalaba qırǵın quralın tarqatıwdı qarjılandırıwǵa qarsı gúresiw boyınsha túsinikler berildi.
Sonday-aq, Ádillik ministrliginiń E-NGO.UZ saytı arqalı paydalanıw tártipleri boyınsha maǵlıwmatlar berildi.
Oǵan kóre, Mámleketlik emes kommerciyalıq emes hám diniy shólkemlerdiń ótken jıldaǵı jumısları haqqındaǵı esabatlardı hár jılı 1-fevral sánesinen keshiktirmesten e-ngo.uz portalı arqalı elektron formada usınıw kerekligi hámde Hákimshilik juwapkershilik haqqındaǵı Kodeksiniń 239-statyasına tiykar, mámleketlik emes kommerciyalıq emes shólkemlerdiń óz jumısları haqqındaǵı esabatlardı dizimnen ótkeriwshi uyımǵa usınbawı, óz waqtında usınbawı yamasa belgilenbegen formada usınıwı, óz jumısı haqqında bile tura nadurıs maǵlıwmatlar usınıwı, sonıń menen birge mámleketlik emes kommerciyalıq emes shólkemlerdiń málimlemeni, sonday-aq olar tárepinen mal-múlk hám pul qarjılarınan paydalanılıwı haqqındaǵı tastıyıqlawshı hújjetlerdi usınbawı - lawazımlı shaxslarǵa BEMnıń 15 esesinen 30 esesine shekem (4, 5 mln nan 9 mln sumǵa shekem) muǵdarda járiyma salıwǵa sebep bolıwı túsindirildi.
Qaraqalpaqstan Respublikası Ádillik ministrligi