Янгиликлар
17
Referendum ótkeriw tártibi
Ózbekstan Respublikasınıń referendumı Ózbekstan Respublikasınıń nızamların hám basqa qararlardı qabıl etiw maqsetlerinde mámleket hám jámiyet turmısınıń eń zárúrli máseleleri boyınsha puqaralardıń ǵalaba xalıqlıq dawıs beriw xalıq hákimiyatın ámelge asırıw quralı bolıp tabıladı.
Referendumda qabıl etilgen sheshimler Ózbekstan Respublikası aymaǵında joqarı yuridik kúshke iye boladı hám tek ǵana referendum jolı menen biykarlaw yamasa ózgertiliwi múmkin.
Ózbekstan Respublikasınıń 18 jasqa tolǵan puqaraları referendumda qatnasıw huquqına iye boladı. Sud tárepinen qatnasıqqa uqıpsız dep tabılǵan ruwxıy kesel puqaralar, sonday-aq awır hám óte awır jınayat sadır etip sudtıń húkimi menen erkinen ayırıw orınlarında saqlanıp atırǵan adamlar qatnaspaydı.
Shıǵısına, sociallıq hám múlikshilik ahwalına, rasasına hám milletine, jınsına, bilimine, tiline, dinge qatnasına, siyasiy hám basqa da kóz qaraslarına, jumısınıń túrine hám sıpatına qaray bólip referendumǵa qatnasıw boyınsha puqaralardıń huquqların tikkeley hám qosımsha qandayda sheklewlerge tıyım salınadı.
Ózbekstan Respublikası referendum ótkeriw intası menen Ózbekstan Respublikası puqaraları, Ózbekstan Respublikası Oliy Majilis hám Ózbekstan Respublikası Prezidenti shıǵıwı múmkin.
Ózbekstan Respublikası puqaraları eger, referendumda qatnasıw huqıqına iye bolǵan puqaralar ulıwma sanınıń keminde bes payızın shólkemlesken puqaralar qolı tóplanǵan bolsa, eger bunda imzalaytuǵın puqaralar muǵdarı hár bir hákimshilik-aymaqliq struktura (Qaraqalpaqstan Respublikası, wálayat hám Tashkent qalası ) boyınsha bir tegis hám proporcional túrde bólistirilgen bolsa, referendumni ótkeriw intası huqıqın ámelge asıradı.
Ózbekstan Respublikasınıń referendumda qatnasıw huqıqına iye bolǵan hár bir puqarası yamasa puqaralar toparı referendumni ótkeriw tuwrısındaǵı intasın qollap-quwatlaytuǵın qollardı toplaw ushın keminde júz adamnan ibarat intalı topardı dúziwi múmkin. Puqaralar intalı toparıdıń wákili topardı dizimnen ótkeriwdi sorap Ózbekstan Respublikası Oraylıq saylaw komissiyasına arza menen múrájat etedi.
Ózbekstan Respublikası Oraylıq saylaw komissiyası usınıs etilgen hújjetlerdiń bul Nızam talaplarına muwapıqlıǵın anıqlap, hújjetler túsken kúnden baslap bes kún ishinde puqaralar intalı toparın dizimge alıw yamasa dizimge alıwdı biykar etiw tuwrısında qarar qabıl etedi. Puqaralar intalı toparın dizimge alıw tuwrısında qarar qabıl etilgeninen keyin wákilge tiyisli dizimnen ótkenlik haqqında gúwalıǵı beriledi. Puqaralar intalı toparın dizimge alıw biykar etilgeni táǵdirde Ózbekstan Respublikası Oraylıq saylaw komissiyası tiykarlı juwap beredi.
Ózbekstan Respublikası Oraylıq saylaw komissiyası referendum juwmaqları boyınsha qabıl etilgen qarardı referendum ótkerilgennen keyin kóbi menen on kún ishinde Ózbekstan Respublikası Oraylıq saylaw komissiyasınıń rásmiy veb-saytında hám rásmiy dereklerde daǵaza etedi.
Eger referendumda qabıl etilgen qarardıń, nızamnıń mazmunınan basqasha qaǵıyda bolmasa, referendumda qabıl etilgen qarar, nızam Ózbekstan Respublikası Oraylıq saylaw komissiyası tárepinen referendum juwmaqları rásmiy daǵaza etilgen kúnden baslap kúshke kiredi.
Taqıyatas rayonı Yuridikalıq xızmet
kórsetiw orayı bas yuriskonsultı B.Otepov