Янгиликлар
05
Nızamshılıqtaǵı jańalıqlar
“Ózbekstan Respublikası Prezidenti janındaǵı Nızamshılıq hám huqıqıy siyasat institutınıń iskerligin shólkemlestiriw haqqında”ǵı Prezident qararı (PQ–462-san, 29.12.2022-j.) qabıl etildi
Qararǵa kóre, Prezidentrt esabat beriwshi bolǵan, mámleketlik ekspertlik ilimiy-izertlew mákemesi formasındaǵı Nızamshılıq hám huqıqıy siyasat institutı, sonıń ishinde:
Prezidenttiń huqıqıy siyasattı qáliplestiriw hám ámelge asırıw boyınsha jumısların ilimiy, málimleme-analitikalıq tárepten qollap quwatlaydı;
nızamshılıq hújjetleriniń tártipke salıw tásirin bahalawdan ótkeredi hám ámelge asırılıwın monitoring qıladı, olardı jetilistiriw boyınsha usınıslar islep shıǵadı.
Institutqa tómendegi tarawlarda ámeliy izertlewler ótkeriw júklenedi:
hákimshilik reformalar ótkeriw sharayatında mámleketlik basqarıwı sistemasın jetilistiriwdiń huqıqıy mashqalaların úyreniw;
konstituciyalıq reformalardıń siyasiy-huqıqıy tiykarǵı baǵdarları hám onı ámelge asırıw mexanizmlerin islep shıǵıw (mámleketlik basqarıwı, puqaralıq jámiyetin rawajlandırıw);
normativ-huqıqıy hújjetlerdi islep shıǵıw hám ámelge asırıw basqıshında olardıń tártipke salıw tásirin bahalaw sistemasın optimallastırıw arqalı “aqıllı tártipke salıw” joybarın engiziw;
korrupciyaǵa qarsı gúresiwdiń shólkemlestiriw-huqıqıy mashqalalardı úyreniw.
Qararǵa kóre, Institut tárepinen ótkeriletuǵın fundamental hám ámeliy izertlewlerdi muwapıqlastırıw maqsetinde Ilimiy-muwapıqlastırıwshı keńes dúziledi.
Qaraqalpaqstan Respublikası Ádillik ministrligi