Янгиликлар
05
Nızamshılıqtaǵı jańalıqlar
“2023-jıl ushın Ózbekstan Respublikasınıń Mámleketlik byudjeti haqqında”ǵı Nıızamı (WRQ–813, 30.12.2022-j.) Prezident tárepinen imzalandı
Nızam menen 2023-jıl ushın Ózbekstannnıń konsolidaciyalasqan byudjetin qáliplestiriw hám orınlaw menen baylanıslı qatnasıqlar tártipke salınadı.
Sociallıq tárepten áhmiyetlikke qatnaslı milliy mámleketlik dástúrleriniń belgilengen muǵdarları Nızamǵa ózgertiw kirgizilmesten kóbeytiledi.
Ózbekstan byudjet sisteması byudjetleriniń 6 aylıq orınlanıwı juwmaqları boyınsha dáramatları prognozı orınlanbaǵan hám usı finans jılınıń aqırına shekem olardıń kelip túsiwi ushın jeterli tiykarlar bolmaǵan jaǵdaylarda:
respublika byudjeti ulıwma qárejetleriniń 3 hám odan artıq procenti mwgdarındaǵı qárejetlerdi qısqartıw Oliy Majlis palataları tárepinen;
3 procentten kem muǵdardaǵı qárejetlerdi qısqartıw Ministrler Kabineti qararı tiykarında ámelge asırıladı.
Ózbekstan atınan hám Ózbekstannıń kepilligi menen tartılǵan mámleketlik qarızınıń summası jalpı ishki ónimniń jıllıq prognoz kórsetkishine salıstırǵanda 60 procentten aspawı kerak.
2023-jıl ushın Ózbekstan konsolidaciyalasqan byudjeti qıtshıllıǵınıń sheklengen muǵdarı jalpı ishki ónimniń 3 procenti muǵdarında belgilenedi.
Nızamǵa kóre, sonıń ishinde salıqlardıń tómendegi túrleri rayonlar hám qalalar byudjetlerine tolıq kólemde ótkeriledi:
fizikalıq shaxslardan alınatuǵın mal-múlk salıǵı;
fizikalıq shaxslardan alınatuǵın jer salıǵı;
mal-múlkti ijaraǵa beriwden alınatuǵın jıllıq dáramat haqqındaǵı deklaraciyaǵa tiykar fizikalıq shaxslar tárepinen tólenetuǵın, sonday-aq jeke tártiptegi isbilermenler tárepinen tólenetuǵın fizikalıq shaxslardan alınatuǵın dáramat salıǵı;
suw resurslarınan paydalanǵanlıq ushın salıq, bunnan elektr stanciyaları tárepinen tólenetuǵın salıq tısqarı;
ruda bolmaǵan qurılıs materialları boyınsha jer qatlamınan paydalanǵanlıq ushın salıq.
Nızam 2023-jıl 1-yanvardan baslap kúshke kirdi.
Qaraqalpaqstan Respublikası Ádillik ministrligi