Янгиликлар
17
Huqıqıy xızmet kórsetiw tarawında ámelge asırılǵan jumıslar.
Keyingi jıllarda notariat institutın rawajlandırıw, onı jánede jetilistiriw hám xalqımızǵa kórsetiletuǵın huqıqıy xızmetlerdiń sapasın asırıw maqsetinde bir qatar normativ-hújjetler qabıl etildi.
Maǵlıwmat ushın: házirde Qaraqalpaqstan Respublikası aymaǵında 57 jeke ámeliyat penen shuǵıllanıwshı notariuslar óz jumısların alıp barmaqta.
Ózbekstan Respublikası “Mediaciya haqqında”ǵı Nızam talaplarına tiykar Qaraqalpaqstan Respublikası Ádillik ministrligi tárepinen professional mediatorlar reestri júrgiziliwi muwapıqlastırılıp barıladı, mediatorlardı tayarlaw arnawlı oqıw kursların tamamlaǵan jámi 57 jeke ámeliyat penen shuǵıllawshı notariuslar professional mediatorlar reestrine kiritildi.
Advokatura tarawında:
Búgingi kúnde Respublika aymaǵında jámi 102 advokatlıq dúzilmeleri óz iskerligin kórsetip atırǵan bolsa, sonnan 2 advokatlar kollegiyası, 9 advokatlıq firması hámde 91 advokatlıq byuroları iskerlik kórsetpekte.
Esabat dáwirinde jámi 35 talabanǵa advokatlıq licenziyaları berilgen bolıp, 1 advokattın advokatlıq licenziyası xám statusı mamanlıq komissiyasının qararina tiykar xákimshilik sudqa arza kiritiw arqalı toqtatildi.
Huqıqıy ekspertiza tarawı:
Jergilikli mámleketlik hákimiyatı uyımlarını tárepinen
2022 jıl dawamında huquqıy ekspertizadan ótkeriw ushın jámi
180 normativ tústegi qararlar joybarları kelip tústi.
Sonnan, Ministrlik hám rayon (qala) ádillik bólimleri tárepinen 98 normativ tústegi qarar joybarlarına nızamshılıqqa muwapıqlıǵı boyınsha juwmaqlar berilgen bolsa, qalgan 61 normativ huqıqıy hújjetler joybarları belgilengen talaplarǵa ámel qılınbay usınılǵanlıǵı sebepli qaytarıldı.
Ózbekstan Respublikası Ministrler Kabinetiniń 2021-jıl
22-iyundaǵı 390-sanlı qararına tiykar, “E-qarar” elektron sisteması Respublikanıń barlıq dárejedegi jergilikli mámleketlik hákimiyatı uyımları iskerligine engizilip, qabıl qılınıp atırǵan hákimlik hújjetleriniń monitoringini júrgiziw ádillik uyımlarına júkletilgen.
Ministrlik hám rayon (qala) ádillik bólimleri tárepinen
“E-qarar” elektron sisteması arqalı jergilikli mámleketlik hákimiyatı tárepinen qabıl qılınıp atırǵan hújjetlerin monitoring qılıw dawamında hákimlikler tárepinen jámi nızamǵa qayshı 235 hújjetler (176 hákim qararları, 35 hákim biylikleri hám 24 Keńes qararlarıń) qabıl qılınǵanlıǵı anıqlandı.
Joqarıdaǵı jaǵdaylar boyınsha ministrlik hám rayon (qala) ádillik bólimleri tárepinen tiyisli hákimliklerge nızamshılıqqa qayshı túrde qabıl qılǵan qararlardı biykarlaw hám ámeldegi nızam hújjetlerine muwapıqlastırıw boyınsha 58 usınıslar kiritildi, kiritilgen usınısqa tiykar 85 hákimlik hújjetleri biykar etilgen bolsa, 49 hákimlik hújjetleri ámeldegi nızam hújjetlerine muwapıqlastırıldı.
Keleshekte bunday qáte kemshiliklerge jol qoymaw ushın hákimliklerge jámi 27 eskertiwler kiritildi.
Yuridikalıq xızmetler orayları iskerliginde:
Ózbekstan Respublikası Prezidentiniń 2021-jıl 29-iyun kúni qabıl etilgen “Mámleketlik uyımları hám shólkemlerine yuridikalıq xızmet kórsetiw iskerligin elede jetilistiriw is-ilájları haqqında”ǵı PQ-5168-sanlı qararına tiykar, 2021-jıldıń 1-oktyabr sánesinen baslap Respublikamızdıń barlıq rayon (qala)larında Qaraqalpaqstan Respublikası Ádillik ministrligi janında 17 Yuridikalıq xızmet kórsetiw orayları shólkemlestirildi.
Búgingi kúnde bul Yuridikalıq xızmet kórsetiw oraylar tárepinen 20 mámleketlik uyım hám shólkemlerge, sonıń menen birge 726 mámleklik ulıwma bilim beriw mektepleri, 436 mámleketlik mektepke shekemgi bilimlendiriw shólkemleri hámde 97 kóp tarmaqlı oraylasqan hám shańaraq poliklinikalarǵa yuridikalıq xızmet kórsetpekte.
2022-jıl dawamında Oraylarǵa huquqıy ekspertizadan ótkeriw ushın ótken bir jıl dawamında 258 821 hújjet joybarları kelip túsken bolsa, sonnan 184 353 buyrıq joybarları, 74528 shártnama joybarların quraydı.
Usı kelip túsken hújjetlerge 236607 na nızamshılıqqa muwapıqlıǵı boyınsha unamlı juwmaq, 2841 nızamshılıqqa qayshı bolǵanlıǵı ushın unamsız juwmaq hámde 19373 hújjetlerde qáte kemshilikler bolǵanlıǵı sebepli islep shıǵıwshısına qaytarıldı.
Bunnan tısqarı, Oraylar tárepinen yuridikalıq xızmet kórsetiletuǵın shólkemler xızmetkerleri ushın, sonıń menen birge ǴXQ jáne sociallıq tarmaqlarda 6 mıńdan artıq úgit-násiyat ilajları ótkerildi.
Qaraqalpaqstan Respublikası Ádillik ministrligi
Huqıqıy xızmetler bólimi baslıǵı P.Kojametov