Янгиликлар
03
SAWDA-SANAAT PALATASINIŃ WAZIYPALARÍ KEŃEYDI
Ózbekstan Respublikası Prezidentiniń 2023-jıl 23-yanvardaǵı “Sawda-sanaat palatası iskerligin jánede jetilistiriwge baylanıslı qosımsha ilajlar haqqında”ǵi qararı qabıllandı. Hújjet O'zA tárepinen daǵaza etildi.
Sawda-sanaat palatası tómendegi huqıqlarǵa iye:
isbilermenlik hám investitsiya ortalıǵın jaqsılawǵa baylanıslı, ózgeris hám qosımshalar kirgiziw, sonıń menen birge, isbilermenlik iskerligin rawajlandırıwǵa tosqınlıq qılıp atırǵan yamasa sheklewshi normativ-huqıqıy hújjetlerdi bıykarlaw haqqındaǵı usınıslardı húkimetke kórip shıǵıw ushın májburiy bolǵan máselelerdi kiritedi;
Joqarı sudqa palata aǵzaları máplerin gózlep arzalar, sonıń menen birge, ekonomikalıq, hákimshilik, puqaralıq hám jınayat isleri boyınsha sud qararların qayta kórip shıǵıw menen baylanıslı bolǵan shaǵımlar beredi;
Oliy Májliste, Prezident Administratsiyasında, Ministrler Kabinetinde, ministrlikler hám keńselerde, sonıń menen birge xalıqaralıq shólkemlerde isbilermenlik subyektleriniń máplerin ilgeri súredi;
Isbilermenlik ortalıǵın jaqsılaw boyınsha usınıslar islep shıǵıw maqsetinde isbilermenlik iskerligi máseleleri boyınsha jámiyetshilik dodalawların shólkemlestirip baradı hám t.b.
2023-jıl 1-fevraldan baslap:
Mikro, kishi, orta biznes subyektleri kirisiw hám aǵzalıq tólemlerin tólemesten Palata aǵzalıǵına qabıl etiledi hámde nızam hújjetlerinde názerde tutılǵan aǵzalıq penen baylanıslı Palata xızmetlerinen tolıq paydalanıw huqıqına iye, Palata tárepinen usınıs etilgen qosımsha pullıq xızmetler bunnan tısqarı.
Isbilermenlik subyektlerin mámleketlik dizimnen ótkeriwshi organ aǵza retinde dizimnen ótiw ushın dizimnen ótken isbilermenlik subyektleriniń maǵlıwmatların elektron sistema arqalı Palataǵa jiberedi;
Oliy Majlis janındaǵı jámiyetlik fondı hám puqaralıq jámiyetin qollap-quwatlaw aymaqlıq jámiyetlik fondları qarjları esabınan Palata jáne onıń aymaqlıq bólimshelerine mámleket subsidiyaların ajıratıw sisteması engizilip atır.
Palata isbilermenlik subyektleri máplerin gózlep Ózbekstan sudına berilgen arzalar, dawalar, apellyatsiya hám kassatsiya shaǵımları boyınsha mámleket bajı tólewden azat etilgen.
Bunnan tısqarı, xalıq aralıq grant joybarların ámelge asırıwda Palataǵa milliy sherikti biriktiriw talabı qollanılmaydı.
Mámleket shólkemleri hám keńseleri tárepinen isbilermenlik salasında hár qanday sırtqı tegin járdem joybarların ámelge asırıwda Palata joybarda sherik sıpatında qatnasadı.
Palatanıń sanaat tarmaqları menen tikkeley islewi ushın onıń janında jámiyetlik tiykarlarında tarmaqlar boyınsha komitetler dúziledi.
Palatanıń aymaqlıq basqarmaları janında bolsa jergilikli isbilermenler menen tikkeley baylanıstı jolǵa qoyıw maqsetinde keminde 20 jetekshi isbilermenlerden ibarat isbilermenler keńesleri dúziledi.
Hújjet penen isbilermenler, bankler wákilleri, investorlardıń biznes joybarları talqılawı, B2B ilajları ótkeriletuǵın respublika aymaqlarında shólkemlestiriletuǵın “isbilermenler maydanlari” dizimi tastıyıqlandı.
Bozataw rayonı ádillik bólimi Yuridikalıq xızmet kórsetiw orayı