Янгиликлар
23
Nókis qalası ádillik bólimi Mámleketlik xızmetler orayı tárepinen 2022-jıl dawamında ámelge asırılǵan jumıslar.
Ózbekstan Respublikası Prezidentiniń 17.03.2022-jılda “Puqaralardın huqıq hám erkinlerin támiynlew hámde huqıqıy xızmet kórsetiwde ádillik organları hám bólimleri iskerligi nátiyjeligin jánede asırıw is-ilajları haqqında”ǵı 89-sanlı Pármanı qabıl etildi.
Pármanǵa kóre, ádillik sistemasında birden-bir basqarıwdı engiziw ushın Mámleketlik xızmetler agentligi hám Intellektuallıq múlk agentligi tikkeley Ádillik ministrligine, olardıń aymaqlıq strukturaları bolsa aymaqlıq ádillik bólimlerine qosıldı.
Sonday-aq rayondaǵı Mámleketlik xızmetler orayları, PHAJ bólimleri hám yuridikalıq xızmet kórsetiw orayları rayon ádillik bólimleri menen birlestirilip, bir imáratta iskerlik jurgiziwshi birden-bir Ádillik bólimlerine aylandırıladı.
Bunnan tiykarǵı maqset mámleketimizde ádalat hám huqıq ústinligin bekkemlew, xalıqqa professional xızmet etetuǵın ıqsham hám nátiyjeli basqarıwdı jaratıw, deklarativ ózgeshelikke iye wazıypalardı bıykarlaw, funktciyalardı ámelge asırıwdıń shólkemlestirilgen-huqıqıy mexanizmlerin anıq belgilew hám bir-birin qaytalawshı funkciyalardıń aldın alıw arqalı byudjet qarjların tejew hám olardan aqılǵa say paydalanıw, sonday-aq xalıqtıń huqıqıy máselelerin sheshiwde ádillik shólkemleriniń róli hám juwapkerligin jáne de kúsheytiwden ibárat.
Nókis qalası Mámleketlik xızmetler orayı tárepinen 2022-jıl dawamında jámi 179116 mámleketlik xızmetler kórsetilip (xalıq sanına salıstırǵanda 53,5 payızdı quraydı) ótken jılǵa salıstırǵanda 23604 xızmetke kóbeygen. Yaǵnıy ótken jıldıń usı dáwirinde 155508 xızmet kórsetilgen.
Sonıń menen birge 2022-jılda 2419 isbilermenlik subektleri mámleketlik dizimnen ótkerilip, sonnan 979 yuridik shaxslar, 1440 jeke tártiptegi isbilermenlik subektleri mámleketlik dizimnen ótkerilgen.
Sonnan internet arqalı 483 isbilermenlik subekti dizimnen ótken.
2022-jılda 493 isbilermenlik subektleri saplastırılıp, mámleketlik reestrdan shıǵarılǵan sonnan 311 yuridikalıq shaxslar bolsa, 182 jeke tártiptegi isbilermenlik subektleri esaplanadı.
Oray tárepinen Nókis qalası turǵınlarına qolaylıq jaratıw maqsetinde kóshpeli tártipte 2022-jıl dawamında 7010 xızmetler kórsetilip, 5 isbilermenlik subektleri kóshpeli túrde mámleketlik dizimnen ótkerildi.
Oray xızmetkerleri tárepinen “MXO-máhálle-puqara” principi tiykarında puqaralardıń elektron mámleketlik xızmetlerden paydalanıw kónlikpelerin asırıw maqsetinde orınlarda “sheberlik sabaq”ların shólkemlestiriw boyınsha qaladaǵı puqaralar jıyınlarında oqıwshı jaslar hám jámlespegen jaslarǵa oray xızmetkerleri tárepinen 60 tan aslam oqıw-seminarlar hám úgit-násiyat jumısları alıp barıldı.
Nókis qalası ádillik bólimi
Mámleketlik xızmetler orayı
bólim baslıǵı B.Nurlıbekov