Янгиликлар
07
Buyrıq, qarar hám biyliklerdi “E-qaror” elektron sisteması arqalı qabıl etiw hám járiyalaw ámeliyatı.
"Jańa Ózbekstan basqarıw reformaları sheńberinde respublika atqarıwshı hákimiyatı uyımları iskerligin nátiyjeli shólkemlestiriw ilájları haqqında"ǵı Prezident qararı qabıl etildi..
Qararǵa muwapıq, respublika atqarıwshı hákimiyatı uyımları hám olardıń aymaqlıq bólimleri juwapkerligin asırıw maqsetinde respublika hám jergilikli dárejedegi buwınlardıń funksional shegaraları belgilendi.
Bunda, 2023-jıl 1-yanvardan:
- respublika atqarıwshı hákimiyatı uyımları basshıları hám olardıń orınbasarları bir waqıttıń ózinde xojalıq basqarıwı shólkemleriniń basshısı wazıypasın orınlawı qadaǵan etiledi;
- awqam hám basqa xojalıq birlespelerine mámleketlik hákimiyatı wákilliklerin beriw hám olardıń basshıların Ministrler Kabineti qararları menen lawazımǵa tayınlaw ámeliyatı biykar etiledi.
Barlıq respublika atqarıwshı hákimiyatı uyımlarınıń derlik bes mıń funksiyaları qayta xatlawdan ótkerilip, 500 ge jaqın tákirarlanatuǵın, óz áhmiyetin joǵaltqan hám de ámelge asırıw mexanizmleri menen támiyinlenbegen funksiyaları anıqlanǵanlıǵın inabatqa alǵan halda respublika hám aymaqlıq atqarıwshı hákimiyatı uyımları funksiyalarınıń ashıq reestri qáliplestirilip, turaqlı júrgiziw ámeliyatı jolǵa qoyıladı.
Funksiyalar birden-bir reestrin elektron tárizde júrgiziw imkaniyatın beretuǵın "Mámleketlik funksiyaları" avtomatlastırılǵan onlayn informaciya sisteması júritiledi.
Qararǵa muwapıq, usı jıldıń 1-yanvar sánesinen, sınaw jolı menen, Ádillik ministrligi sistemasında mekemelik buyrıq, qarar hám biyliklerdi “E-qarar” elektron sisteması arqalı qabıllaw hám járiyalaw ámeliyatı jolǵa qoyıldı.
Qanlıkól rayonı ádillik bólimi mámleketlik xızmetler oray direktori
Atabek Nizamatdinov