Янгиликлар
25
2023-jıl 1-yanvardan baslap sınaw retinda eń dáslep Ádillik ministrligi sistemasında keńselik buyrıq, qarar hám biyliklerdi “E-qaror” elektron sistema arqalı qabıl etiw hám járiylaw ámeliyatı engizilmekte.
Jámiyetshilikke belgili, 2021- jıl 1-iyuldan baslap “E-qaror” elektron sistema arqalı hákimliklerdiń sheshimleri qabıl etilip kelinbekte. Búgingi kúnde usı sistema jámiyetshilik qadaǵalawı ushın nátiyjeli mexanizmlerden birine aylandı.
Jańa Ózbekstan hákimshilik reformaları shegarasında mámleketimizde nátiyjellikke baǵdarlanǵan ıqsham hám professional mámleket basqarıwı dizimin jaratıw boyınsha is-ilajlardıń óz waqtında hám nátiyjeli ámelge asırılıwın támiyinlew, sonday-aq respublika atqarıwshı uyımları xızmetin jańalanǵan talaplar hám principleri tiykarında shólkemlestiriw maqsetinde Ózbekstan Respublikası Prezidentinıń 2022-jıl 21-dekabrdegi “Jańa Ózbekstan hákimshilik reformaların ámelge asırıw is-ilájları haqqında”ǵı PP-269-sanlı pármańı menen ministrlik, komitet, agentlik hám inspeksiyalardı óz ishine alatuǵın pespublika atqatıwshı hákimiyatı uyımlarınıń birden bir sisteması belgilendi.
Mámleket basqarıwında áshkáralıq dárejesin jánede asırıw,sanlı texnologiyalardı engiziw,sanlastırılǵan mámleket basqarıw moduline ótiw maqsetinde 2023-jıl 1-yanvardan baslap, tájriybe sınaw retinde Ádillik ministrligi sistemasında keńselik buyrıqlar, qarar hám biyliklerin “E-qaror” elektron sisteması arqalı qabıl etiw hám járiyalaw ámeliyatı jolǵa qoyıldı.
Ádillik ministrligi mápdar mákemeler menen birgelikte 2023-jıl 1-iyunge shekem sınaw nátiyjeleri boyınsha 2023-jıl 1-sentyabrden baslap barlıq respublika atqarıwshı hákimiyat uyımları buyrıq,qarar hám biyliklerin“E-qaror” elektron sistema arqalı qabıl etiw hám járiyalawdı názerde tutıwshı Húkimet qarar joybarı islep shıǵıladı
Ministrlik hám mákemelerdıń hákimshilik hújjetlerin jámiyetshilik ushın ashıq tárizde qabıl etiliwi olardıń xızmeti ústinen hátiyjeli jámiyetshilik baqlawdı úyreniwge xızmet etedi.Ádillik ministrligi ǴXQ(galaba xabar quralları),jurnalıstler hám blogerlerdi jámiyetshilik qadaǵalawın ornatıwdaǵı belsendiliklerdi qollap quwatlaydı hámde bul boyınsha nızam ústinligin támiyinlewde olardıń kómegine súyenedi.
Nókis rayonı Ádillik bólimi
Yuridikalıq xızmet kórsetiw orayı
bas yuistkonsultı: G.Izekeeva