Янгиликлар
22
PHAJ tarawındaǵı sońǵı ózgerisler
Ózbekstan Respublikası Prezidentiniń, 20.01.2023-jılǵı “Adamnıń immunitet jetispewshiligi virusı keltirip shıǵaratuǵın kesellikke qarsı gúresiw sistemasın jánede kúsheytiw ilajları haqqında”ǵı PQ-14-sanlı qararı qabıl etildi.
Qarar menen Xalıq arasında AIJ infekciyası tarqalıwina qarsı gúresiw nátiyjeliligin asırıwǵa tiyisli 2023-2027-jıllarǵa mólsherlengen kompleks ilajlar dástúri tastıyıqlandi.
Dástúrde,
-xalıq arasında AIJ infekciyasın tez anıqlaw maqsetinde 15 AIJSqa qarsı gúres orayları hám olardıń 63 rayonlararalıq diagnostika laboratoriyaların sońǵı áwladqa tiyisli diagnostik test-sistemalar (IFA) menen úzliksiz támiyinlew;
-migrantlardı AIJ infekciyasın óz qálewi menen tekseriwdi qamtıp alıwdı keńeytiw;
-AIJdıń anadan balaǵa juǵıwınıń aldın alıw maqsetinde AIJ infekciyalı analardan tuwılǵan 6 aylıqqa shekem bolǵan balalardı qurǵaq sút aralaspası menen úzliksiz támiyinlew;
-AIJ infekciyası menen jasawshı shaxslardıń sociallıq qorǵawın kúsheytiw názerde tutılǵan.
Qararǵa kóre, nekeleniwshi shaxslardı AIJ infekciyası boyınsha májbúriy medicinalıq kórikten ókeriw processin elektron sistema arqalı ámelge asırıwdı jolǵa qoyıw maqsetinde:
▫️2023-jıl 1-iyunǵa shekem Tashkent qalası hám Sirdarya wálayatında;
▫️2023-jıl aqırına shekem basqa aymaqlarda PHAJ uyımları hám tiyisli medicina mákemeleri ortasında elektron birge islesiw shólkemlestiriledi.
Sonday-aq, 2023-jıl aqırına shekem AIJ infekciyası anıqlanǵan jaǵdaylar monıtoringin támiyinlew, real waqıt rejiminde preparatlar hám diagnostikumlardıń háreketleniwin gúzetip barıw imkaniyatın beretuǵın elektron málimleme sisteması jaratıladı.
Z.Mambetsharipova,
Xojeli rayonı PXAJ bólimi
2-dárejeli inspektor