Янгиликлар
24
Mayıplıǵı bolǵan jaslarǵa subsidiya ajıratıladı
Ózbekstan Respublikası Ministrler Kabinetiniń 2022-jıl 21-iyun kúngi «Mayıplıǵı bolǵan jaslardı sociallıq qollap-quwatlaw boyınsha mámleketlik xızmetlerdi kórsetiwdiń hákimshilik reglamentlerin tastıyıqlaw haqqında»ǵı qararı tiykarında usı jıldıń 1-avgust sánesinen baslap, Ózbekstan Jaslar isleri agentliginiń jaslarǵa baylanıslı siyasatın qollap-quwatlaw fondı qarjıları esabınan hár jılı 14 jastan 30 jasqa shekemgi mayıplıǵı bolǵan 500 jasqa bazalıq esaplaw muǵdarınıń 50 esesi (yaǵnıy 15 millionǵa shekem) muǵdarında subsidiya ajıratıw sisteması jolǵa qoyıldı.
Subsidiya 2 baǵdarda, yaǵnıy mayıplıǵı bolǵan jaslarǵa oqıw, jasaw hám transport qárejetlerin qaplaw, ekinshisi ásbap-úskeneler hám miynet quralların satıp alıw ushın ajıratıladı. Qálewshiler shet tilleri, ulıwma bilimlendiriw pánleri, kásiplik kónlikpelerdi qáliplestiriwge xızmet etetuǵın zamanagóy kásipler hám taǵı basqalarǵa oqıwı, motokultivatorlar, shóp orıwshı hám qurılıs úskeneleri, daqıllardı qayta islew qurılmaları, kompyuter komplekti hám basqada zárúr zatlardı subsidiya tiykarında alıwına boladı.
Bunıń ushın arza beriwshi, joqarıdaǵı qararǵa muwapıq 14 jasqa tolǵan hám 30 jastan aspaǵan mayıplıǵı bolǵan Ózbekstan puqarası, mámleketimiz aymaǵında jasaw gúwalıǵı bolǵan shet el puqarası yaki puqaralıǵı bolmaǵan shaxs (16 jasqa tolmaǵan shaxs atınan múrájat etilgende onıń nızamlı wákili) tárepinen mámleketlik emes bilim beriw mákemesinde oqıw ushın yamasa ásbap-úskene satıp alıw ushın subsidiya ajıratıwdı sorap mmleketlik xızmetler orayına múrájat etedi yamasa birden-bir interaktiv xızmetler portalı arqalı Jaslar isleri agentligine tikkeley arza jollaydi.
Arzalardı qabıl etiw mámleketlik xızmetler orayı tárepinen biypul ámelge asırıladı.
Esletip ótemiz, 2022-jılı 500 talapkerge subsidiya ajıratılǵannan soń onı beriw ushın arza qabıllaw toqtatıladı. Keyingi subsidiyanı ajıratıw ushın arzalar hár jılı 10-yanvardan baslap qabıl etiledi.
K.Ospanova
Nókis qalası Ádillik bólimi mámleketlik
xızmetler orayınıń bólim baslıǵı