Янгиликлар
22
Qońırat rayonı ádillik bólimi tárepinen 2022-jıl 12 ay daumında ámelge asırılǵan jumısları haqqındaǵı E S A B A T I
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2022-jıl 12-ay dawamında Konırat rayonı ádillik bólimi tárepinen bir qatar jumıslar ámelge asırıldı.
Atap aytqanda, Insan huqıqların qorǵaw tarawında:
Bolimge jámi 257 múrájat kelip túsip, solardan 246 shaǵım hám 11 arza kelip túsken, Qaraqalpaqstan Respublikası Ádillik ministrligi tárepinen 7-múrájáát kelip tústi. Solardan 227-múrájáát qanaatlandırılıp, 17-múrájáát boyınsha huqıqıy túsnikler berilgen, kórip shıǵıw ushın tiysligi boyınsha basqa mekeme hám kárxanalarǵa 12-múrájáát jiberildi. Qanaatlandırılǵan múrájáátlardan sudlarǵa 324 shaǵım arzalar kiritilip, jámi 1 306 479 722 sum óndiriwge qaratılǵan.
Bolimge kelip túsken múrájatlar analizlengende eń kóp múrájatlar miynet nızamshılıǵı, napaqa alıwdaǵı mashaqalalar bolıp, onda yuridik faktin tastıyıqlaw, yaǵnıy ólgenlik faktin tastıyqlaw boyınsha hámde úy-jaydı menshiklestiriw máselelerine baylanıslı ekenligi anıqlandı.
Bólim tárepinen 180 mekeme hám kárxanalarda úyreniwler ótkerildi. Ótkerilgen úyreniwler nátiyjesinde 12247 nızambuzıwshılıq halatları anıqlandı.
Úyreniw dáwirinde mekeme xám kárxanalarǵa anıqlanǵan nızam buzıwshılıq boyınsha 118 usınıs kiritilip, solardan 34 mekeme hám kárxana basshına hákimshilik járiyma, 72 mekeme hám kárxana xızmetkerlerine intizamiy sharalar qollanıldı, 142 mekeme hám kárxanalarga eskertiwler berildi.
Huqıqıy ekspertiza tarawında:
Rayon ádillik bólimi tárepinen rayon hákimliginiń 6-normativ huqıqıy xujjetleri, yaǵnıy 6 hákim qararı hám 1 rayon halıq deputatları Keńesi qarar joybarları huqıqıy ekspertizadan ótkerilip, 3 qarar joybarlarına unamlı juwmaq berildi hám ǵalaba xabar quralları arqalı járiyalandı.
2022 jıl 17-mart kúngi Ózbekstan Respublikası Prezidentiniń PF-89 sanlı Pármanına tiykar, YUridikalıq xizmet kórsetiw orayları, rayon (qala) mámleket xızmetlerin orayları hám olardıń filialları hámde PXAJ organları barlıq huqıq hám wákillikleri saqlaǵan halda rayon (qala) ádillik bólimleri strukturasına hám boysınıwına ótkerilegen.
Qońırat rayonı Ádillik bólimi YUridikalıq xızmet kórsetiӯ orayı
Ózbekstan Respublikası Prezidentiniń «Mámleketlik uyımları hám mekemelerine yuridik xızmet kórsetiӯdi jánede jedelestiriw is-ilájları haqqında»ǵı 2021-jıl 29-iyun' kúngi PQ-5168-sanlı qararına muӯapıq 2021-jıl 1-oktyabr' kúninen baslap, Qońırat rayonı Ádillik bólimi YUridikalıq xızmet kórsetiw orayı házirgi kunde 100 den aslam mámleketlik uyımlar hám mákemelerge yuridikalıq xızmet kórsetip kelmekte.
2022-jıl dauamında xızmet kórsetiwshi mákemelerden YUridikalıq xızmet kórsetiw orayına 16 895 buyrıq 6 244 shártnama hámde 46 talapnama jami 23 185 hújjetler kelip túsip oray xızmetkerleri tárepinen huquqiy juwmaqlar berildi.
Qońırat rayonı Ádillik bólimi Mámleketlik xızmetler orayı tárepinen 2022-jılda fizikalıq xám yuridikalıq shaxslarǵa jámi 50 292 (bul xalq sanına salıstırǵanda 36,7 % quraydı) xızmet kórsetilip, sonnan 3 683 (ulıwma xızmet sanına salıstarǵanda 7,3% quraydı) xızmet kóshpeli tárizde kórsetilgen, sondayaq 2022 jılda oray tárepinen jámi 1 074 (342 yuridikalıq shaxs, 732 fizikalıq shaxs) isbilermenlik sub'ektlerin mámleketlik dizimnen ótkergen bolsa 318 (214 yuridikalıq shaxs, 103 fizikalıq shaxs) isbilermenlik sub'ektlerin qayta mámleketlik dizimnen ótkergen. Bunnan basqa qaladan uzaq aralıqta jaylasqan oraydıń Jaslıq xámde Qaraqalpaqstan posyolkalarında filialları bar bolıp olarda 2022 jıl dawamında 2 030 sonnan Jaslıqda 969 (bul posyolka xalq sanına salıstırǵanda 23,4 % quraydı), Qaraqalpaqstan posyolkasında 1061 (bul posyolka xalq sanına salıstırǵanda 31,8 % quraydı) xızmet kórsetilgen.
Qońırat rayonı Ádillik bólimi puqaralıq halatları aktlerin jazıw bólimi tárepinen 2022-jıl dawamında 2948 tuwılıw, sonnan 1484 ul bala, 1464 qız balalardıń tuwılıwı dizimge alınıp, 2923 tuwılǵanlıq haqqında guwalıq berildi. 2948 tuwılıwdan 87 jalǵız ana, 151 atalıq belgilew haqqında arzaları dizimge alınıp, sonnan puqaralıq sudtıń biyligine tiykar atalıq belgilengeni 7 xalat, 8 jaǵdayda múddetin ótkerip tuwılǵanlıq haqqında akt jazıwları dizimge alındı, sonnan 16 jastan asqan puqaranıń tuwılǵanlıǵı joq. 2022-jıl dawamında 37 perzentlikke alıw boyınsha sud biylikleri orınlandı. Neke dúzilgenlik haqqında akt jazıwları 1218 bolıp, sonnan 112 neke saltanatlı túrde dizimge alındı. Nekeden ajırasıw boyınsha 2022-jıl dawamında 171 nekeden ajırasqanlıq haqqında akt jazıwları dizimge alınıp, sonnan 16 óz-ara razılıq tiykarında PHAJ bılimine arza beriw arqalı ajırasqan, 154 neke puqaralıq sudtıń nekeden ajıratıw haqqındaǵı biyligine tiykar, 1 neke táreplerdiń biriniń háreketke uqıpsız bolǵanlıǵı sebepli nekeden ajıratıw haqqında akt jazıwı dizimge alındı. 2022-jıl dawamında 750 ólim haqqında akt jazıwı dizimge alınıp, sonnan 41 bir jasqa shekemgi qaytıs bolǵan balalardıń ólimi haqqında akt jazıwı, múddetin ótip ólimdi dizimge alıw ulıwma 116 bolıp, sonnan 14 ólgenlik faktın tastıyıqlaw boyınsha sud biyligine asas ólimi dizimge alındı. 2022-jıl dawamında puqaralar tárepinen familiya, isim hám áke ismin ózgertiw ulıwma 9 xalat. Tuwılıw, neke dúzilgenlik haqqında akt jazıwlarına ózgeris, dúzetiw hám qosımsha kiritiw boyınsha 63 arza qanaatlandırıldı hám jańadan tuwılǵanlıq haqqında guwalıq berildi.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019-jıldıń 9-yanvar' kúni Ózbekstan Respublikası Prezidentiniń 5618-sanlı Pármanı menen tastıyıqlanǵan “Jámiyette huqıqıy mádeniyattı joqarılatıw Koncepciya”sı talapların orınlaw barısında, Ádillik bólimi tárepinen 1882 úgit-násiyat jumısları alıp barıldı. Sonnan, televidenie arqalı 22 marte, radioda 27, gazetada 24, VEB-sayt arqalı 802 márte shıǵıwlar ámelge asırıldı. Aўızeki túrde-970, kórgizbeli formada 37 úgit-násiyat ilájları ámelge asırıldı.
Bólimge elektron túrde kelip túsken 1149 normativ huqıqıy hújjetleri kárxana mekeme shólkemlerge jetkerildi.
Puqaralardan kelip túsip atırǵan múrájatlar, xalqımızdıń kúndelikli turmısında ushırasatuǵın máseleler, migraciya, materiallıq járdem, jer, úy-jay alıw, kommunal xojalıq, jeńillikler, aliment, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Usınday shárayatta puqaralardıń huqıqıy másláhátke bolǵan mútájligin támiyinlew maqsetinde internet tarmaklardagı feysbuk, instagram xamde telegramda Konırat rayonı adillik boliminin kanalları ashılgan bolıp bul kanallar arkalı pukaralarga aralıqtan turıp puqaralardıń múrájatlarına huqıqıy túsinik hám másláhátlar berip barılmaqta.
Qońırat rayonı ádillik bólimi
baslıǵı J.Mambedullayev