Янгиликлар
23
Qaraózek rayonı ádillik bólimi YuXKO tárepinen 2022-jıl dawamında islengen jumıslar boyınsha esabat.
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı hám 2022-jıl 18-mart kúngi «Yuridikalıq xızmet kórsetiw orayları iskerligin jánede keńeyttiriw boyinsha qosımsha is-ilajları haqqında»ǵı PQ-173-sanlı qararı talaplarına muwapıq, 2022-jıl 1-avgust kúninen Qaraózek rayonındaǵı 67 mámleketlik uyım hám shólkemlerge «E-huquqshunos» elektron sisteması arqalı tuwrıdan-tuwrı yuridikalıq xızmetler kórsetip kelinbekte.
Qaraózek rayonı ádillik bólimi yuridikalıq xızmet kórsetiw orayına 4 shtat birlikleri (Oray baslıǵı, 3 bas yuriskonsult) ajıratılǵan.
Statistikalıq esabatlarǵa názer awdaratuǵın bolsaq, 2022-jıl dawamında jámi 9754 hújjet joybarları (sonnan 6635 buyrıq, 3119 shártnama) kelip túsip, kelip túsken hújjet joybarlarinan 15 buyrıq (sonnan 11 jeke quram, 4 dem alıs) hám 14 shártnama (sonnan 2 miynet, 12 puqaralıq) kemshiligi bar bolǵanlıǵı sebepli qaytarılǵan, 2 buyrıq (dem alıs boyınsha) hám 2 shártnama (puqaralıq) nızamǵa muwapıq kelmegenligi ushın unamsız juwmaq berilgen, qalǵan 6618 buyrıq hám 3103 puqaralıq hám miynet shártnamalar nızamǵa muwapıq dep tabılǵan.
2022-jıl dawamında Oray tárepinen 3 márte monitoring ótkizildi hám anıqlanǵan nızam buziliw jaǵdayı boyınsha ádillik bólimine 3 xabarnama berildi. Xabarnamaǵa tiykar ádillik bólimi tárepinen kiritilgen tásir ilajları nátiyjesinde 1 xızmetker intizamiy juwapkershilikke tartıldı.
Oray tárepinen 2022-jıl dawamında 120 márte huqıqıy úgit-násiyat tádbirleri ótkizildi, sonnan 83 márte awız-eki huqıqıy túsinik berildi, 16 márte ǵalaba xabar quralları arqalı hám 21 márte zamanagoy ǵalaba-kommunikaciya tehnologiyaları arqalı úgit-násiyat jumısları ótkizildi.
Ózbekstan Respublikası Prezidentiniń 2021-jıl 29-iyun kúngi PQ-5168-sanlı qararı talaplarına muwapıq, yuridikalıq xızmet kórsetiliwi lazım bolǵan mámleketlik uyımlar hám shólkemlerge sıpatlı hám nátiyjeli yuridikalıq xızmet kórsetiliwi, olardıń huqıq hám máplerin nızamlı qorǵaw tarawında áhmiyetli jumıslar ámelge asırılıwı támiyinlenbekte.
Qaraózek rayonı ádillik bólimi
YuXKO baslıǵı: A.Reymov