Янгиликлар
22
XOJELI RAYONI ÁDILLIK BÓLIMI TÁREPINEN 2022–JIL DAWAMINDA ÁMELGE ASIRILǴAN JUMISLARI BOYINShA ESABATI
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2022-jıl dawamında bólim tárepinen bir qatar jumıslar ámelge asırıldı.
Bólimge 305 xat hám hújjetler kelip tústi.
Buyrıq tiykarında mámleketlik organları hám shólkemlerinde jámi 22 úyreniw hám monitoringlar alıp barılıp, 15419 nızam buzılıw jaǵdayları anıqlandı. Úyreniwler dawamında tiyisli mámleketlik organları hám shólkemlerine 119 usınıs hámde 39 hákimshilik usınıslar kiritildi. Sonday-aq usınıslar tiykarında xızmetkerlerdiń 174 mln. 715 mıń sumnan aslam is-haqıları óndirilip berildi.
Atap aytqanda, Insan huqıqların qorǵaw tarawında:
Bólimge jámi 302 múrájatlar kelip túsip, 290 múrájaat óz sheshimin tawdı. Sudlarǵa 935,6 mln. sumlıq dawa arzalar kirgizilip, puqaralardıń huqıqları tiklendi.
Bólimge kelip túsken múrájatlar analizlengende eń kóp múrájatlar miynet hám sociallıq qorǵaw máselelerine baylanıslı ekenligi anıqlandı.
Ádillik bólimi tárepinen o’tken jıl dawamında rayondaǵı mekeme hám shólkemlerde xızmetkerlerdiń miynet huqıqlarına ámel etiliwi boyınsha 280 den artıq sorawnama ótkerildi.
Sonıń menen bir qatarda, bólim tárepinen shólkemlestirilgen qabıllawlarda
75 múrájatlar tiyisli tártipte kórip shıǵılıp, unamlı sheshimlerin taptı.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik–siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019–jıldıń 9–yanvar' kúngi Ózbekstan Respublikası Prezidentiniń 5618–sanlı Pármanı menen “Jámiyette huqıqıy mádeniyattı joqarılatıw Koncepciya”sı tastıyıqlandı.
Bul tarawda bólim tárepinen 1003 úgit–násiyat jumısları, sonıń ishinde televidenie, radio hám gazetlarda 149 márte, veb-sait hámde sociallıq tarmaqlarda 854 dan artıq úgit-násiyat jumısları alıp barıldı.
Huqıqıy úgit–násiyat ilajları puqaralardan kelip túsip atırǵan múrájatların tereń tallaw arqalı xalqımızdıń kúndelikli turmısında ushırasatuǵın máseleler, yaǵnıy materiallıq járdem, jer, úy–jay alıw, kommunal xojalıq, jeńillikler, aliment, miynet nızamshılıǵı, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Atap aytqanda, “Biypul huqıqıy másláhát penen hár bir úyge” uranı astında jańa huqıqıy másláhát beriw sistemasın shólkemlestiriw arqalı xalıqtın huqıqıy sawatsızlıǵın joq etiw maqsetinde bólim xızmetkerleri tárepinen barlıq mákan hám awıl puqaralar jıyınlarında úyme–úy júrip puqaralarǵa huqıqıy másláhátler berildi.
Sonday-aq, Qaraqalpaqstan Respublikası Ádillik ministrligi, Jınayat isleri boyınsha sudı, Puqaralıq isleri boyınsha sudı, Hákimshilik sudı, Ekonomikalıq sudı hám “Madad” mámleketlik emes, kommerciyalıq emes shólkemi ortasında “Qaraqalpaqstan Respublikasında jınayatlardı boldırmaw, jınayatshılıq profilaktikasın elede jetilistiriw, ádil sudlawdı támiyinlew hám korrupciyasız aymaqqa aylandırıw boyınsha birge islesiw Memorandumı” imzalanıp, búgingi kúnde bólim tárepinen rayon sudı imaratındaǵı “Xalıqqa biypul huqıqıy járdem” xanalarında fizikalıq hám yuridikalıq shaxslarǵa huqıqıy járdemler kórsetilip kelinbekte.
Xalıqtıń huqıqıy másláhátke bolǵan mútájligin támiyinlew maqsetinde, @Xujayli_adliya_bulimi telegram kanalı arqalı puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslar turaqlı ráwishte alıp barılmaqta.
Xojeli rayonı ádillik bólimi baslıǵı A.K.Shabatov