Янгиликлар
23
Jana O’zbekstan - jana reformalar: Sud sistemasindagi reformalar insan huqiqlari ushin
Prezidentimizdiń 2023-jıl 16-yanvardaǵı «Ádil sudlawǵa erisiw imkaniyatların jánede keńeytiw hám sudlardıń jumıslarınıń nátiyjeliligin arttırıwǵa baylanıslı qosımsha ilajlar haqqında»ǵı PP-11-sanlı Pármanı qabıl etildi.
Usı Párman menen «2023–2026-jıllarǵa mólsherlengen sud sistemasın sapa jaǵınan jańa basqıshqa alıp shıǵıwdıń qısqa múddetli Strategiyası» tastıyıqlandı.
Strategiya sheńberinde «Insan qádiri ushın» ideyası tiykarında haqıyqıy ádil sud sistemasın qáliplestiriw hám onıń jumısın xalıq mápi hám insan qádir-qımbatın nátiyjeli qorǵawǵa baǵdarlaw, ádalatlı sud qararları qabıl etiliwine erisiw arqalı xalıqtıń sud sistemasına isenimin bekkemlew, halqımız sud hám sud'yalar tımsalında óziniń isenimli qorǵawshısı ekenligin kóriwine erisiw ádil sudlawdı támiyinlewdiń eń áhmiyetli wazıypaları etip belgilendi.
Sonday-aq, sudlardıń jumısların tolıq sanlastırıw, jasalma intellekt texnologiyaların engiziw, mákemeler aralıq elektron maǵlıwmat almasıwdı jaqsılaw, sud májilislerinde aralıqtan turıp qatnasıw imkaniyatların keńeytiw, sud'yalardıń biyǵárezligi hám qol qatılmaslıǵı kepilliklerin kúsheytiw, sudqa húrmetsizlik etiw hám sud jumısına aralasıw jaǵdaylarınıń aldın alıw boyınsha nátiyjeli mexanizmlerdi islep shıǵıw, sud qararlarınıń qatań orınlanıwın támiyinlew, bul baǵdarda mámleketlik uyımlar hám jergilikli hákimliklerdiń juwapkershiligin arttırıw, sud'yalar hám sud xızmetkerlerinde joqarı qarım-qatnas mádeniyatın qáliplestiriw arqalı sudqa múrájat etken hár bir puqarada sudtan, nátiyjede bolsa mámleketten razılıq sezimin oyatıw wazıypaları da belgilendi.
Bul Párman mámleketimizde puqaralar hám isbilermenlerimizdiń ádil sudlawǵa bolǵan Konstituciyalıq huqıqlarınıń elede keńirek támiyinleniwine xızmet etedi dep isenim bildiremen.
A.Gulimbetov,
Xojeli rayonı ádillik bólimi insan huqıqların
qorǵaw hám huqıqtı qorǵaw ámeliyatın úyreniw
bólimshesi bas másláhátshisi