Янгиликлар
23
Ózbekstan Respublikası Prezidentiniń 2022-jıl 21-dekabr kúngi "Jańa Ózbekstan hákimshilik reformaların ámelge asırıw ilajları haqqında"ǵı 269-sanlı Pármanı haqqında
Sońǵı jıllarda Jańa Ózbekstandı dúziwdiń zárúrli shárti esaplanǵan nátiyjeli iskerlik júrgiziwshi basqarıw sistemasın qáliplestiriw boyınsha keń kólemli basqarıw reformaları ámelge asırıldı.
Búgingi kúnde “Elektron húkimet” sistemasınıń paydalanıwshıları sanı
4 millionnan asıp, ol arqalı mámleket mákemeleriniń 130 dan artıq informaciya resurslarınan paydalanıw múmkinshilikleri jaratıldı. Birden-bir interaktiv mámleketlik xızmetleri portalında derlik 350 túrdegi xızmetler onlayn formada kórsetiliwi jolǵa qoyıldı. Sonlıqtan, Jańa Ózbekstan basqarıw reformaları programmasınıń orınlanıwın támiyinlew maqsetinde, jańa Ózbekstan sharayatında zamanagóy talaplarǵa juwap beretuǵın ıqsham mámleket basqarıwı sistemasın qáliplestiriw, qarar qabıllaw hám máseleni kórip shıǵıw proceslerin ápiwayılastırıw arqalı mámleket shólkemleri basshılarınıń juwapkerligin asırıw hám de olar iskerligin nátiyjelilikke jóneltiriw, sonıń menen birge, jańa Ózbekstanda hákimshilik reformaları dástúriniń orınlanıwın támiyinlew maqsetinde, Ózbekstan Respublikası Prezidentiniń 2022-jıl 21-dekabr kúni "Jańa Ózbekstan hákimshilik reformaların ámelge asırıw ilajları haqqında"ǵı 269-sanlı Pármanı qabıl etildi.
Pármanǵa tiykar, 2023-jıl 1-yanvardan baslap Ministrler Kabineti aǵzası bolǵan atqarıwshı hákimiyat uyımları basshılarınıń Ministler Kabinetiniń quramlıq strukturalarınan ǵárezsiz bas wázir menen tuwrıdan-tuwrı islew sisteması engiziledi. Ministrler Kabineti atqarıw sistemasında ekonomikalıq hám sociallıq tarawlar boyınsha sekretariatlar, departamentlar hám olar janındaǵı bólimler, sonday-aq, Mádeniy miyrastı qorǵaw inspekciyası Áskeriylestirilgen strukturalar iskerligin finanslıq hám materiallıq-texnikalıq támiyinlew bólimi, Máhálle hám nuranıylardı qollap-quwatlaw máseleleri bólimi tamamlandı.
Sonday-aq, pármanǵa tiykar, 2023-jıl 1-yanvardan ǵárezsiz iskerlik júrgiziwshi respublika atqarıwshı hákimiyat uyımlarınıń sanı 61 den 28 ge shekem, sonıń ishinde ministrlikler sanı 25 ten 21 ge shekem qısqartıladı.
Usıǵan kóre, Ministrler Kabineti sistemasın tómendegi ministrlikler yaǵnıy bular Investiciyalar, sanaat hám sawda ministrligi, Ekonomika hám finans ministrligi, Taw-kán hám geologiya ministrligi, Qurılıs hám úy-jay kommunal xojalıǵı ministrligi, Kámbaǵallıqtı qısqartıw hám bántlik ministrligi, Joqarı bilimlendiriw, ilim hám innovaciyalar ministrligi, Mektepke shekemgi hám mektep bilimlendiriw ministrligi,Tábiyat resursları ministrligi, Jaslar siyasatı hám sport ministrligi, Awıl xojalıǵı ministrligi, Suw xojalıǵı ministrligi, Sanlı texnologiyalar ministrligi, Ádillik ministrligi, Transport ministrligi, Mádeniyat hám turizm ministrligi, Qorǵanıw ministrligi, Energetika ministrligi, Den-sawlıqtı saqlaw ministrligi, Sırtqı isler ministrligi, Ishki isler ministrligi, Ayrıqsha jaǵdaylar ministrlikleri quraydı.
Joqarıda atap ótilgen Prezident Pármanı áweli, jańa Ózbekstandı dúziwdiń zárúrli shárti esaplanǵan nátiyjeli iskerlik júrgiziwshi basqarıw sistemasın qáliplestiriwge xızmet etedi.
Xojeli rayonı ádillik bóliminiń
yuridikalıq xızmet kórsetiw
orayı baslıǵı N.Berdiniyazova